岩岩黎到海遊館時係6點鬆~~個天未夠黑都冇咁靚 依加係8點幾喇~~~燈飾特別靚 依加去坐摩天輪應該都唔錯播 因為我地等透明車箱….所以等左半個鐘有多呀 而且依到都幾食風下~~~變左3條冰條了 而普通車卡係即黎即可以玩….我地大概數過…應該全個摩天輪得4部透明車 正正就係佢既3,6,9,12點方向 1圈要15分鐘…而我地前面有大概6個parties 就係依個白色既透明車箱了~~~幾年前大眼爸媽都係台灣玩過~~~ 依張圖有介紹個摩天輪既燈飾 大眼B都係今次黎大板先搭摩天輪 之前係OUTLET搭既可能有大公仔開心D啦 今轉好似好悶…..我地仲專登等左咁耐添 咁往後應該可以skip左摩天輪依一個item了 依到另一樣野玩就係依隻船~~買飛時可以買埋依個package 不過我地事先唔知有依樣野…加上我地好趕…只想快快入場 唔得閒再問再理解去考慮玩唔玩所以冇買飛了 都係爬來爬去好玩…唔係一圈時間都唔知點過好 依隻坐唔定既大眼B…..幾難先影到依張相….都莫講話影一家三口了 唯有分開影~~你有你影我有我影啦 丫…唔係播…諗起….13個月時..大眼B係新濠影匯都搭左8字摩天輪呀 佢都有局部係透明底嫁…不過果時太細亦都未識企…佢應該都唔記得了 搭完摩天輪係商場行個圈竟然有耳土奇雪糕呀 不過唔知做咩個鬼佬見到大眼B好似見到女一樣流晒口水 係咁錫大眼B….大眼B都有回禮錫番佢 事原….我比左1000YEN佢買300YEN既雪糕 但因為佢地冇錢找, 佢話唔收錢請大眼B食了 我地死都比番錢佢…搵盡都係搵左500YEN出黎 咁比500YEN佢唔找都OK既 不過佢又唔肯收…死都話請大眼B 最終係搵左個姐姐仔返黎幫手唱錢~~~ 大眼爸媽去土耳奇時食過一次土耳奇雪糕~~ 不過….其實唔係雪糕黎嫁 係薯粉加色加味道, 因為土耳奇熱起上黎真係好熱…雪糕係戶外係生存唔到 所以佢地發明左冷凍依D薯粉黎扮雪糕 上一次同大眼B去吉隆坡時…大眼B已經玩過一次 果次係Vanilla + Manago味….果次…似係真雪糕黎 有雪糕既地方應該唔會咁刻意咁煩整依種唔係雪糕既雪糕出黎 而今次呢….真係有d似番土耳奇雪糕…因明顯食落去唔係雪糕既感覺 似溶左7788既雪糕加左唔係好硬身既糯米池咁樣囉 不過…佢都真係凍嫁…..所以食到大眼B眼都眨埋 本來想邊行邊食既…但出面太大風了!所以行番入黎就見到依間舖頭 原來….武士係要食雪糕的 佢望完D劍佢自己又要扮下 你既….速度想食到幾時….我地飯都未食好肚餓呀 都係轉移陣地~~快快食完去食飯了 係商場搵左凳坐住食…仲要大眼爸幫手KO左大半 太凍了~~~大眼媽頂唔順….而且…都唔知..食緊..D乜…東東咁 行行企企都可以玩得一餐~~ 終於攪掂杯雪糕~~我地走了 沿途都咁靚 【親子大板5日遊-01】預備篇 【親子大板5日遊-02】真。飛機餐@Cafe Deco T1 【親子大板5日遊-03】傳聞入境要個幾鐘??華盛頓酒店@臨空港 【親子大板5日遊-04】行逛Outlet同食個和式午餐@臨空港 【親子大板5日遊-05】有鬆鬆熊的摩天輪@臨空港 【親子大板5日遊-06】巨大PlayHouse西松屋瘋狂濕平 【親子大板5日遊-07】往難波的迷路記!推介價錢相宜超大民宿 【親子大板5日遊-08】夜遊道頓堀 【親子大板5日遊-09】奈良和服體驗+新潮武士餵鹿鹿 【親子大板5日遊-10】大阪港海遊館 【親子大板5日遊-11】夜遊摩天輪+凍冰冰食土耳奇雪糕 【親子大板5日遊-12】睇住佢燒炭既炭燒放題狂趕尾車狂奔記 【親子大板5日遊-13】黑門市場食早餐~~~~ 【親子大板5日遊-14】蟹道樂午餐好抵食 【親子大板5日遊-15】大板今昔館 【親子大板5日遊-16】兒童遊戲室+麥當奴限定櫻花雪糕好難食 【親子大板5日遊-17】失落於心齋橋~食番個好味哈根大師補數 【親子大板5日遊-18】歡樂既時間永遠短暫~咁就玩左5日