茯柃媽媽最近愛上左食布丁,每次茯柃都會眼金金咁睇住叫我比佢食. 所以今次整呢個豆乳布丁比佢試下,全素食者都岩食嫁. 材料 (2杯份量)： 豆漿 200ML 粟粉 17G 原糖 5G 我地屋企已經無用砂糖好耐,轉左用原糖；原糖就係一D不經漂白及精鍊工序較少的糖(Raw sugar) 豆漿可選用無糖豆漿,糖可以隨意加多減少.自己控制甜度 做法： 1. 洗乾淨容器,用熟水沖一沖(唔洗抹乾)備用,有防黏作用 2. 栗粉同原糖拌勻,豆漿逐少加入拌勻至無顆粒 3. 開細火煮約5-6分鐘,期間要KEEP住攪拌,變濃稠後可熄火 4. 將液體倒入模具,待冷卻至室溫後包好保鮮紙,冷藏大概6小時或過夜 5. 取出後用手輕力按一按布丁外圍表面幫助與模具分離 6. 可隨意搭配水果,果醬或其他即可食用(我自己加左黑芝麻粉) 超簡單豆乳布丁完成. —————————————————————————————— 想睇多啲靚相,知道我地更多動態,可以Like我地FB同Follow IG.. FB 茯柃成長日記 : https://m.facebook.com/veronicadiary IG Follow : nica_chung YouTube：Veronica Diary