呢排好少寫blog~其實係因為我又同左蠔豉妹妹去旅行！ 上次蠔豉妹妹同嫲嫲、姑姐一齊去台北，今次就同公公、婆婆去福岡 :p 其實今次係慶祝埋我同老公既5週年結婚紀念日~ 所以就決定正日當日去著和服！ 本身周圍都可以租和服著，點知好多間有小童(3歲或以上)和服既，唔代表有BB(1-2歲)和服提供！ 如果你既BB係1歲以下又未識企、行的話，就真係更少...所以出發前記得先問清楚！   今次我揀既係花水木，因為去太宰府著最襯 :p https://www.fukuoka-kimono.com/ 我地選擇2小時租借和服套餐~ 女: 3000-3500円 男: 3500円 小童: 3500円   女仕既有大概80款揀，媽媽同工人姐姐好快就揀好，而我，就決定睇埋BB有咩款先決定~ 媽媽揀左黃色~ 工人姐姐就揀左紅色~   小童都有十幾款，但BB款其實得4款 :p 紅、藍、黃、粉紅~ 我諗都無諗就決定要紅！小朋友著紅色最可愛~~   所以我都揀左紅色！我仲加左1000円set頭~   唔set頭都會幫各女仕夾返個花花！   男仕既選擇唔算好多，我老公同爸爸好快就揀好~ 著完就出去啦！   一路行，一路有好多人讚蠔豉妹妹卡娃伊！ 蠔豉妹妹都好熱情咁不停同人say hello~   本身想行去太宰府參拜一下，點知太多人！所以影左幾張相就走人，之後就行左去另一邊~ 行去另一邊就見到有幾棵紅葉~~所以就不斷影下 :p   帶住小朋友，其實2個鐘都好夠，我地行左個半錢就已經去還衫~換返便服之後先去食野同買手信~   個人覺得，又老又幼既旅行帶埋工人姐姐真係好好~有時想同2老出夜街就可以叫工人姐姐陪妹妹留係酒店~如果無工人姐姐，就要搵一個人陪妹妹lu~   Facebook : 80後的人妻「旅」友  &  蠔豉妹妹之貓奴生活 Instagram : https://www.instagram.com/wingring 合作／邀稿 : wingring417@gmail.com / wingring@ymail.com