最近好小出食譜呀... sorry呀大家...... 因為近排米豬唔知做乜, 就算只係隔住廚房個閘都喊到癲咗呀... 所以只可以煮埋d hea野...... 而且好多時煮煮吓, 要一隻手抱住佢一隻手煮, 相都影唔到... 今次呢個黃金牛肉飯算影得多相ga na   材料: 粟米 半條 迷你南瓜 1/8個 雞肶菇 1隻 牛肉粒 2湯匙 蒜頭 1小瓣   調味: lemon pepper 約半茶匙 蒜粉 1茶匙   做法: 1. 牛肉粒先用蒜粉醃15分鐘 2. 粟米2/3界衣起蓉, 1/3切粒, 雞肶菇切粒, 南瓜切皮備用 3. 蒜頭切碎, 燒熱鑊頭先落蒜蓉爆香 4. 聞到蒜蓉香就落雞肶菇粒 5. 見到菇粒縮晒水, 就落牛肉, 攤鬆由佢煎一陣 6. 準備一個刨絲ge刨 (我呢個响姨媽傢私買, 有4面, 我地用呢面) 7. 反一反d牛肉, 之後南瓜直接刨絲落鑊 8. 煮到南瓜開始變淺色, 就落埋粟米+粟米蓉, 再加lemon pepper炒勻, 然後落水2-3湯匙, 加蓋煮3-4分鐘 同場加影响廚房門口喊到我以為自己已經奔天的米豬一隻, 之後就抱住佢煮, 冇咩影到相嚕 9. 煮完3-4分鐘, d南瓜應該溶到九九十十, 可以成鑊倒落飯0個邊撈勻, 再超細火煮5分鐘, 等d飯入味, 咁就食得喇~   煮到一半都要熄火出嚟安撫, 但一出咗廚房道閘呢位小朋友就得戚樣...............   開飯~~~  還好, 雖然扭計到癲咗, 但都肯食ge~~ 仲自己不添~ 算你啦~~~ 細味粟米中~~   煮食小貼士: 1. 唔鐘意食菇可以落菜粒呀~ 例如邊豆, 青豆, 不過咩都試吓吖ma~ 2. 如果有時間慢慢炆, 南瓜切粒口感會好d, 但因為米豬扭得太勁我唔可以留响廚房太耐, 刨絲就最容易解決呢個南瓜唔溶ge問題 3. 如果小朋友細個d, 未出齊牙仔, 可以改用全份粟米蓉同埋用免治牛肉代替牛粒   題外話 有冇1歲9個月ge寶寶呢排都好扭計呀?? 見小一秒都唔得, 本身可以自己啪枝迷暈奶訓晏覺, 而家只要見我一行開就爆喊, 要响佢隔離陪住等佢訓著, 但見我响度佢又要玩wo, 結果明明3點訓搞到4點先訓, 夜晚又係咁, 仲要玩成個鐘, 日日都11點先訓著........ (媽媽表示私人時間歸零) 我地試過唔理佢由佢喊, 當然心痛到爆啦, 結果佢真係喊足半個鐘唔停, 識講ge字都講晒出嚟鬧人, 仲喊到嘔tim呀......... 囧"  如果上述情況最近都有响你屋企出現, 請盡快留言與囧方聯絡, 以謀對策(或抱頭痛哭)   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/