話說好似近幾年既6月我地都有去旅行 不過今年(2017)….因為大眼媽D假…..窮到燶 再加埋大眼爸peak season走唔開 結果我地既旅行變左澳門遊 早一晚同大眼B講去旅行~~~佢就話「呼~~搭飛機」 我話唔係呀….去游水咋~~~搭船船去游水好冇?? 未出發先興奮既小朋友每個站都話到~~~搭船船~~游水水~~ 搭依個船船好冇呀????? 好呀!!!!!開心到彈起添喇~~~佢話要搭Blue船 ! 搭完船船去依到游水水又好冇???? 好~~~9秒86就衝埋去…攬住姐姐!! 由於見到船船同水水既相…..一直都….南磨咁….船船水水船船水水船船水水 大眼媽有點陸地上暈船浪feel了…..@﹏@……….都係捉佢去食野分散注意力先 食食下之際~~大眼爸終於放工趕到黎同我地匯合喇 1小時船程點過????其實好快就過左了~~~ 超級努力由出門口就落藥叫佢要上船訓覺落船游水 當然係好有熱誠咁敷衍左我好~~~~到要佢訓時當然係唔訓啦 Hyper到爆~~自娛都玩一餐~~~今次係大眼B第3次去澳門了 第一次去時係6個月~~~係超級長眠既BB….果次上船即訓左… 但去到玩水時….都玩玩下係水中再訓左 所以今次先千叮萬囑叫佢訓…可惜唔彩我~~算數~~等陣攰到訓左冇得玩唔關我事 今次(2017年)係新碼頭落船~~~就睇睇新碼頭究竟係咩樣啦 其實真係幾大~~~冷氣都好夠~~路程就比舊既遠左D 不過有冷氣地又好行D好拖喼D都算係咁喇 唔係溶住曬住熱住係好好多既 已經唔係由落船計起….因船泊左係船公司既躉到仲要行一段路先上到碼頭 再由碼頭既戶外行到入室內….又再再再由室內左穿右插先到入境既位置 入左依到先正式既過關~~~~地方當然係大左NNNNNN倍 有採光既…不過都係好黑……………. 不過真係同以前差好遠~~至少有番DD國際感覺 由戶外行到黎入境都要5分幾鐘嫁~~依加開始排隊喇 排隊實在太無聊喇唯有玩下包剪揼啦 終於過完關可以步出澳門既地帶喇 TOTAL用左3個幾字….係比以前耐左dd既 不過整體係舒服既只係行遠左少少 好戲………………在後頭了…… 一步出冷氣地方就知…..有幾金….路有幾遠 以前一行出去就係大巴~~而且係車等人 依行要行一條好長好長好長既長路 雖然係有蓋…..但有蓋得黎冇抽風…焗死人個女咩…………….. 出左冇蓋既地方……………..蒸蒸蒸~~大包蒸多兩籠既蒸氣呀 又曬又焗又熱……仲未行到去大巴位 過多條馬路仔終於見到好大個停車場以為冇死啦…. 但….怪就怪在..非常統一地每酒店只有一部車 同以前長長車籠車等人係相反 依加係要人等車~~~覺得似係規矩…唔比同一時間有多過一部車係到等候 結果蛇餅有蛇餅既長…而且係依個天幕罩住下既熱…真係好中暑feel囉 抖氣都要大大地索………可惜又係一股蒸氣咁 大眼B都頂唔順要即飲水….狂飲…唔停 再要吹住狂風先可以叫做ok一d 依個天幕….覺得係有助燃既感覺…係咪想燒到d人變燒豬??? 第2班車終於上到了….睇睇大眼B個頭…… 到左酒店等緊大眼爸羅房之際周圍盪下啦 開心BB已經準備去玩喇~~心情愈來愈高漲 醒目!!!!入房前要敲敲門呀~~~~~ 差少少唔夠高添XD 我地今次住大倉~~房幾大~~唔錯~~可以比大眼B多D空間走來走去 大眼B一望入黎就話「沖涼」XDXD 淨係依個電簾已好好玩~~~開開關關都大笑一餐 見到會消失的媽媽又出現了 玩不停笑不停 環境唔錯~~個View更唔錯~~~ 大眼B一望出去就~~~~~~~~~~~~嘩~~~~好大~~~ 個View好廣闊真係望落去都輕鬆一d 大眼B已急不及待自己爬左上黎坐 話要去游水水~~~去啦去啦~~快D換衫啦 依個暑假有雪碧沖身機呀~~~~一直都係睇d片見過外國沙灘會有 竟然今次銀河都有呀~~~好刺激呀一淋落黎果下 因為部機慢幾拍…真係估佢唔到幾時淋XDXD 大眼B好大膽呀~~起初係大眼爸抱住佢玩左一次既 之後佢自己話要落地玩~!!!堅呀~~單拖呀~~~~ 見試左幾次...水力好一般~唔怕整親頸~就比你自己試下啦 唔知同大眼媽陀住佢時去左潛水有冇關係…. 點解大眼B會咁鍾意水既呢??? 而且仲要比媽媽叻….因媽媽鍾意玩水但係超驚水 大眼B係唔驚仲好勇果隻 非常享受呀~~~又涼浸浸真舒服 好出力地踢水~~又真係比佢游得郁 冇教佢游水都已經開始游到 仲要自己玩背泳…真係睇到大眼媽呆晒 去左玩飄流河呀….竟然自己走埋去D水柱底比水淋 人仔細細不斷挑戰 玩左兩次飄流又返番過去玩沖浪 治途見到表演人物呀~~追呀追~~~~~~ 追到喇~~~醒目仔呀下~~又走去攬姐姐 滿足了~~即閃~~~要趕去沖浪~~ 沖多一陣浪就返黎沖涼LU~~因天浪都收6:00PM 都由3點多玩到5半有多~~依個人仔真厲害 沖完涼當然要嘆個包包先~~因為對上食野已係上船前了~~ 非常肚餓既BB而且已出盡晒力玩~~又攰又餓 6點多~~~悠閒的黃昏~~真係靚!!!我地依加行過去官也街搵野食 由於未有目標食乜又有DD肚餓食下街邊野先~~~ 叫左個香蕉煎餅~~~睇埋佢既做法都幾得意播 依間野叫做ROTI 係官也街既後一條街~都幾易搵 一個麵團!!!!起初仲以為係粉漿添~~~原來係麵團做出黎都幾有誠意播 泰仔薄餅~~~依個時候….大眼B已經攰到訓左~~ 真係冇食神喇~~等媽咪幫你食埋啦XDXD 咁薄都唔穿~~~厲害 半煎炸的~~再落左香蕉同雞蛋 食得LU~~~~~其實蕉就唔係太食到~~~ 只覺得係脆卜卜既薄餅 最終想食葡菜….但2間FULL左…一間要9點先有位 咪周圍兜下囉~~兜兜下….去左依到唔知意定法既餐廳 人累了….是旦啦~~不過唔多介紹依間野了 連名都唔知…因為唔會打算再食 味道偏咸…..係好咸….咸到苦…要落淚果隻 但佢地好Nice服務好好的好friendly 所以亦唔想唱衰佢!~~~睇個樣係剛開業的 可能會慢慢有轉機呢~~~其實食物係好食的如果飛走個咸的話 環境亦都唔錯~~地方唔係大~~有5,6張枱到 不過枱同枱係幾close下呀~~~情侶要sweet sweet都會比其他人兜口兜面望住的 依個BB好攪笑呀~~其實佢本身仲訓緊嫁 再由抱住轉手到放落我大脾都係照訓 但….一拎左麵包係佢個咀到掃一掃….佢醒左喇 為食到呢~~~不過真係肚餓了 食得唔多飽…..再出去官也街搵食~~~嘆番個貓山王先 不過都幾貴下…因為好細杯…只係個杯大而且裝得一半嫁咋 之後再去左行百佳買定d野食宵夜~~~哈~~~~ 夜景係幾靚既 天色都唔錯~~~ 沖完涼~~大眼B都訓左~~可以抖抖了~~~~   大眼B澳門快閃黨悠嘆世界DAY 2