大人細路都鍾意嘅迪士尼Tsum Tsum今年嚟咗旺角朗豪坊，以係全港首個「Tsum Tsum聖誕市集」。 而聖誕裝置於旺角朗豪坊4樓嘅通天廣場，加上聖誕市集主題，令到整個商場超有聖誕氣氛!!! 「Tsum Tsum聖誕市集」仲有成6個打卡位影靚相添呀!! -小飛象與巨型燈泡氣球 -米奇聖誕老人 -聖誕小屋 -TSUM TSUM列車 -TSUM TSUM聖誕樹 -繽紛隧道 搭電梯上到四樓，行前少少抬頭望上去，就見到11個巨型Tsum Tsum燈泡氣球喺上空都閃閃發光，真係超級靚呀!! 走到市集，會見到聖誕老人米奇坐住雪橇，同大鼻與鋼牙準備派聖誕禮物。 旁邊仲有甜美嘅米妮喺聖誕小屋到同大家打招呼。 屋後仲有大眼仔同毛毛喺搖椅上休息。 再行入啲，仲有由唐老鴨駕駛嘅Tsum Tsum列車，準備開車啦~~~ 而勞蘇同三眼仔已經等唔切，霸咗頭位同大家一齊歡渡聖誕。 而市集嘅中間，有Tsum Tsum迷必影嘅聖誕樹!! 呢棵聖誕樹足足有4.5米高，重點係聖誕樹又22隻迪士尼角色砌成，係咪好想全部都影晒落嚟呢~~ 仲有必影嘅繽紛隧道，隧道入面左、右兩邊仲有頭頂都有發燒嘅迪士尼角色嘅outline畫像。 而隧道嘅兩邊，分別有小熊維尼、跳跳虎喺雪地到玩~ 另一邊嘅豬仔、史迪仔、高飛狗仲有布魯圖就忙住送禮物~~ 市集裡最吸引小朋友嘅，絕對係呢部電視~不停播放Tsum Tsum人物過聖誕嘅片~ 7樓嘅限定商品店，都有Tsum Tsum影相位呀~ 【限定商品店】 而市集嘅限定商品店仲有成3間咁，入面仲有唔同嘅精品、限量精品發售。 限量發售嘅商品有「Tsum Tsum百子櫃」(玻璃瓶)、「Tsum Tsum疊疊樂」、「Tsum Tsum立體聖誕掛飾」(共8款)、「Tsum Tsum寵物用品」、「Tsum Tsum DIY系列」、「Tsum Tsum 毛絨地氈」等。 Tsum Tsum寵物用品 Tsum Tsum精品真係超級的多，好多都好可愛~ Tsum Tsum杯、煮食用具~呢到一定超吸引媽媽們呀!! 仲有適合小朋友用嘅Tsum Tsum水杯、餐具套裝~價錢仲唔算太貴。 Tsum Tsum水樽、餐盒。 只係行咗一少部份，和牛B手上就揀到想要嘅嘢了! Tsum Tsum嘅手機殼。 「Tsum Tsum DIY系列」 可以從30個Tsum Tsum角色，自由創作為Tee/ 衛衣/ Tote Bag/ Cushion。 仲可以設計正面及背面添~~ DIY Tee $199 衛衣$299 Tote Bag $199 Cushion $299 令到實在太有氣氛，馬上好有聖誕買禮物嘅氣氛。 最後，我哋又喺Tsum Tsum限定商品店到買咗唔少聖誕禮物送俾朋友~ 開放日期：2018年11月14日至2019年1月6日 開放時間：11am - 11pm 地點：旺角朗豪坊4樓通天廣場及7樓 【限定聖誕卡】 而場內特設Tsum Tsum個人化頭像專屬聖誕卡，「CREATE YOUR OWN TSUM TSUM頭像及印製你的專屬聖誕卡」，只要到朗豪坊Facebook開啟ChatBot並上載相片，挑選Tsum Tsum頭像、聖誕服飾及祝福語，就可以創造你嘅個人化Tsum Tsum頭像。邀請好友參加「CREATE YOUR OWN TSUM TSUM」遊戲，仲可以即場免費印製你嘅專屬聖誕卡一張。 【消費優惠】 1.於商場即日消費滿$300，即可免費參加Tsum Tsum日本「街機」遊戲一次及換領Tsum Tsum特別版貼紙一張。 2.於商場即日消費滿$800即可免費參加日本「街機」遊戲一次，及免費換領Tsum Tsum特別版Tote Bag一個。 換領時間：1pm - 10pm 換領地點：旺角朗豪坊4樓通天廣場（桃園眷村前） **數量有限，換完即止。 【「Tsum Tsum聖誕市集」@旺角朗豪坊】 活動日期：2018年11月14日至2019年1月6日 活動時間：11am - 11pm 活動地點：旺角朗豪坊4樓通天廣場 -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
