9月天~~~夏日炎炎正好就係游水,加上大眼B極度鐘意玩水 繼之前去左東莞塘廈三正半山同澳門天浪陶園後 今次再加一成力~~~~去惠洲!!!!! 惠洲既難度就真係遠~~遠~~同埋遠~~~ 不過要玩都要豁出去了~~~一早!!!!7點幾就起身了! 9點鐘要係油麻地上車~今次我地係買左永東既Package 7:30到我地就call左Uber又喼又袋又爛訓B咁出門口了 去到油麻地都係8點鬆到~~就去食個早餐先~~ 食飽飽上旅巴了….已經訓左 已經岩岩過完香港關口了~~我地向祖國進發喇~~~ 沿途都係…..田…田…田…樹樹…樹….草…草草 好鄉郊~~不過個地都靚既~唔會有爛地 其實今日….依刻…係3號風球,前一晚仲話今日會10號波 睇下……開始好密雨了….~”~ 最終未掛成~~我地都要照出發~但預感大陸環境會更差同冇得游水囉~”~ 過埋關後再要搭1個鐘有多既車程先去到酒店 落車果刻…..都已經12點多了~~真係PATPAT都痛埋 臨落車前…..開始大雨了~~~所以都沒有期望了 好在依隻魔怪全程訓訓訓到落車~~ 頂多抱到大眼媽腰骨直晒但唔洗同大眼B駁鬥已好好了 WOO~~~個lobby好大~~好泰國feel,心情都好好多 如果有個大大太陽會更加好囉~~可惜天陰陰 不過淨係個大大lobby大眼B都已經可以玩一餐 地方大真係好~~~淨係攪check in 時都已經夠大眼B黎個re charge warm up 不過…其實佢又點洗warm up嫁….隨時隨時咩都玩一餐 非常興奮啦~~~~ GOGOGOG~~~我地上房了~~~~~ 真係好大播~~~~仲有個池仔可以係露台浸浴 出到露台望落去~~~泳池真係好大大大呀~~ 不過一個人都冇既….???再睇下枱面放左張通告 直頭話依兩日受風暴吹襲戶外泳池完成封閉 噢~~~~~~~~~~~真係低落到一個點呢~~~ 開下水浸下個缸先~~~大眼B已覺得好好玩了 大眼B開開關關已經當左係玩具了 yoo~~~影下我地套親子裝先~~~靚唔靚呢??!?!? 其實…………..係情侶裝黎嫁XDXDXD 但….冇得玩唔通就咁唔開心落去咩??? 首先緊係要去食下野開心番先嫁啦~~ 原來D碟頭都幾大碟下….食到我地呆左 不過D野都幾好味!!唔錯唔錯~~ 大眼B都覺得好好味~~狂食中 食飽飽~~~去Playhouse玩下啦~~~ 依間酒店其實好多野都岩小朋友玩既 所以冇得游水固然唔開心既 不過都唔至於冇野玩~~~ 就係咁….係依個playhouse到都足足消磨左1個鐘有多 都3點幾了想足大眼B返去訓下覺叉叉電 但同時….大眼媽又唔心息….逆方向行去泳池門口 嘩~~~~~~~~~~~~~~~開左呀開左呀~~ 大眼媽好似執到金咁走埋去實Q到再問問 原來真係開番呀~~叫我地快d去玩 因如果天氣突然差落去既會再封池 就係咁大眼媽話左比大眼B聽有得游水 大眼B就跳跳扎好開心咁走去泳池門口話要入去 正一傻仔…..我地要返上房換衫呀 大眼B以為我地唔比佢玩仲喊左出黎 氹左佢一陣佢終於明要返房…就即刻跑走左 仲話我地慢….要我地快D 換好衫了~~我地終於黎到依組由5個泳池組成既戶外池玩了 有個正式長方型既池…有2組相連泰國feel既池 仲有一個小朋友既玩具池同埋最有地標性既無邊際泳池 不過由於天氣未係好穩定,個沙灘依然係封左唔比落去怕有危險 玩到傻晒~~~不過始終落過雨黎d水有d凍 同埋我地都要準備去食晚餐所以5點到我地就離開了 都叫做玩左1個鐘已經係bonus了 返上房大眼B沖完涼已經頂唔順訓左了 大眼爸媽就快快手都梳洗埋換衫就去食飯了 Package係包左個自助晚餐既 全場~~~係多野食既…不過行了一圈….應該有7成野係唔會食到 3成係比你都唔敢係大陸食既野 4成係….已比人搶晒….因為buffet係6點開始既….. 我地都7點多先黎到…冇晒野食都冇計啦 所以個buffet對我黎講係麻麻既 再要相比埋上次塘廈既buffet就絕對係兩個世界了 咁當然…依區係鄉下過東莞~~都唔好要求太多了 食到個肚脹卜卜….又要扯起件衫比人睇……^^” 食飽周圍行下~~有GYM ROOM又有戲院 間戲院又真係做到同街外一樣樣…勁呀~~~ 行行下仲見到遊戲機室~~大件事了~~~~~~~ 當然係玩到唔肯走啦…走時喊到拆天 唯有又呃佢去Playhouse 咁就乖乖肯走了~~~~ 咁又玩左成個鐘了~~~~~~~~ 返到上房都唔肯沖涼訓….係都話要玩水 再終玩埋就安樂了~~~~大覺眠了~(超大鼻鼾呀~~~~) 充實的一日就係咁過~~~~ 其實真係好攰好攰~~~~~