計劃好長假期帶小朋友去邊到玩未?   我哋第一次帶和牛B去旅行嘅時候，和牛B大概2歲。     而去旅行到國內、澳門或搭飛機去玩好多日，要準備嘅嘢亦都好唔同。 另外就係寶寶，係每個階段去旅行都要帶唔同嘅嘢，同埋準備。   至於旅行上，最擔心嘅事又點解決呢?    寶寶太細搭飛機，好怕佢會喊唔停嘈到人、耳仔痛，可以點做? 飛機起飛或者降落期間，如果BB係清醒嘅話，俾佢食嘢/ 飲水/ 食奶咀可減低耳仔痛情況。     而我盡量安排上飛機後，俾和牛B飲奶，飲完奶瞓覺。   搭飛機想開奶，無熱水咁點算? 你可以向機艙服務員要求熱水作開奶之用；另外，如要用熱水將母乳加熱，亦可以搵機艙服務員會協助。   不過，要留意機艙服務員係不可以協助冷藏母乳。如果媽媽要帶備雪藏嘅母乳，要留意需保存喺冰袋或真空瓶入面，並自行攜帶冰種或乾冰（不超過2.5公斤），以及須妥善包裝讓二氧化碳氣體自由揮發。   如果搭長途車，怕寶寶坐得太耐唔耐煩又可以點做?? 盡量安排瞓覺時間上車，又或者食奶瞓覺。 因為搭車我唔太建議俾小朋友睇Youtube/手機/平板電腦。   另外分享一下我自己嘅執行李小經驗，俾大家參考一下。     【短程旅行】(2日1夜) 由於和牛B好鍾意飲奶，我大概喺和牛B一歲九個月左右就無再餵母乳，所以去旅行都需要帶奶粉、熱水壺、奶樽等工具。   - 尿片 x10片 當時仲未戒片嘅和牛B，外出、睡覺嘅時候都需要穿上尿片。 所以尿片方面我們安全起建還是帶了10塊尿片。   當和牛B戒晒所有日片，只剩低夜晚瞓覺要著片，我哋就帶大概2-3條片，以備不時之需。   - 奶樽 x3-4個 當時和牛B每日會食早奶同夜奶，所以我哋會預餐數，然後帶多一個奶樽。   - 奶粉 唔會預先將奶粉倒入奶粉格，同時會預多一至兩個已裝奶粉嘅奶粉格作後備。   - 服飾、鞋履 上衣 x4件 (其中一件是長袖睡衣，小朋友比較大汗所以預多一套衫可以替換) 褲子 x3條 (兩條長褲一條短褲，其中一條是睡覺時穿著) 底衫 x2件 長袖外套 x1件 汗巾x2條 拖鞋 x1對 (拖鞋是去玩沙玩水的時候穿，又或者喺酒店房穿著，因為唔係間間酒店都有小童拖鞋) 波鞋 x1對 襪子 x3對 (多帶一對作後備) 帽子 x1頂 太陽眼鏡 x1副   - 安撫用品 奶咀(未戒奶咀時期) 最愛的毛公仔/被子     - BB清潔護理用品 大毛巾 x2條 (洗澡用，另一條玩水過後用) 臉巾 x1條 BB沖涼液及洗頭水 x1套 濕紙巾 x1大包 BB牙膏 x1支 BB牙刷及漱口杯 x1套 梳子 x1把 BB護膚霜 x1小瓶 BB防曬 x1支 防蚊用品   - 食物 未夠三歲嘅時候，食物方面，基本上早、午、晚三餐都一定要食街外食物。 盡量減低水肚不服，所以我哋都係帶1L香港食水過去翻熱開奶，俾給和牛B飲用。   另外，會帶少量零食作茶點或安撫之用。   - 玩沙玩水用品 泳衣 x1套 游水片 x2-3片 玩沙套裝 x1套   - 平安用品 旅行藥物 (基本要有退燒藥) 退熱貼   - 電熱水壺及萬能插蘇 由於看了坊間太多的傳聞，實在不敢使用酒店的電熱水壺了，唯有自攜吧，這樣比較安心一點~     【一般旅行】(超過6日行程) - 尿片 當時仲未戒片嘅和牛B，外出、睡覺嘅時候都需要穿上尿片。我哋會直接去到當地購買尿片，但會帶定第一日用嘅份量。   當和牛B戒晒所有日片，只剩低夜晚瞓覺要著片，我哋就帶住宿晚數嘅份量，另外帶多1-2條，以備不時之需。   - 奶樽 x2個 因為旅行都會住酒店或民宿，會帶備奶樽刷及清潔液。和牛B足夠2歲，洗乾淨奶樽後，我會用已煲滾嘅熱水再浸一浸奶樽當作消毒之用。   - 奶粉 我會帶一罐新嘅400g奶粉去，另外帶一個奶粉格。   - 服飾、鞋履 如果住民宿有洗衣機嘅話，衣服可以帶少啲都唔怕。以下係預會洗衫嘅情況;      上衣 x4件 (其中一件是長袖睡衣，小朋友比較大汗所以預多一套衫可以替換) 褲子 x3條 (兩條長褲一條短褲，其中一條是睡覺時穿著) 底衫 x2件 長袖外套 x1件 汗巾x2條 拖鞋 x1對 (拖鞋是去玩沙玩水的時候穿，又或者喺酒店房穿著，因為唔係間間酒店都有小童拖鞋) 波鞋 x1對 襪子 x3對 (多帶一對作後備) 帽子 x1頂 太陽眼鏡 x1副   - 安撫用品 奶咀(未戒奶咀時期) 最愛的毛公仔/被子   - BB清潔護理用品 大毛巾 x2條 (洗澡用，另一條玩水過後用) 臉巾 x1條 BB沖涼液及洗頭水 x1套 濕紙巾 x1大包 BB牙膏 x1支 BB牙刷及漱口杯 x1套 梳子 x1把 BB護膚霜 x1小瓶 BB防曬 x1支 防蚊用品   - 食物 未夠三歲嘅時候，食物方面，基本上早、午、晚三餐都一定要食街外食物。 盡量減低水肚不服，所以我哋都係帶1L香港食水過去翻熱開奶，俾給和牛B飲用。   另外，會帶少量零食作茶點或安撫之用。   - 其他 2-3歲唔用Hipseat嘅話，一定要帶BB車，代替手抱!! 如果你哋都係用Pockit嘅話，記得帶多一個環保袋入住，可以Hand carry上飛機。     - 玩沙玩水用品 泳衣 x1套 游水片 x2-3片 玩沙套裝 x1套   - 平安用品 旅行藥物 (基本要有退燒藥) 退熱貼   - 電熱水壺及萬能插蘇 由於看了坊間太多的傳聞，實在不敢使用酒店的電熱水壺了，唯有自攜吧，這樣比較安心一點~ 【好物分享】旅行用品「摺疊式熱水壺」   帶小朋友去旅行，其實絕對係好開心~ 我好享受同和牛B去旅行，接觸新鮮事物。佢到而家，仍然好記得2歲去沖繩嘅事。     -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。