近排同一班準媽媽一齊交流下關於聯合生產既問題~估唔到反應好熱烈 實在太多問題 盡量解答大家 講番我既資料先- 第一胎 40w2生 順產  1-笑氣係唔係一開始痛就會俾你聞？有咩作用呀？我依家31週，有時個肚會好硬，點解會咁？ 答:聽講笑氣聞完會好high 無咁痛~我聽過有人聞到嘔/聞到自己迷迷糊糊,個時佢問我 你痛1-10分 依家幾痛？個時我6分痛左右傳就比我聞，但我完全唔識掌控個節奏同埋好膠好臭~我個是32週同35週都有肚硬,個時有規律地10分鐘硬。健康院擔心我早產 我入過2次院~最後bb竟然逾期，但陣痛個種硬我可以話完全2回事。 2-我想問網褲準備咗2條夠唔夠?紙尿片你準備咗幾包?你生完幾耐先洗頭沖涼?每次去完廁所 都要用沖洗壺洗甘可唔可以用女性潔膚液?同埋 生完 幾耐先上奶?如同姑娘講餵人奶，住院期間 未上奶 點算? 答:我網褲用左3條,你預每日換一條~尿片我帶左30片 用左20塊。每次用沖洗瓶洗其實都夠 因為下面有傷口 我唔會咁快用潔膚液。我第3日已經係後奶 姐係奶白色個d,埋多d身食多d飯同飲多d炒米茶就好快上。其實bb頭2日胃仔好細 啜係想要安全感,相信自己 如果真係過輕 你可以要求補水奶。但胃口好快撐大！你要預頭3日真係變人肉奶咀~~~我出院個陣2邊損唒 3-你好，請問走佬袋要帶d咩？生完當日定第幾日bb會向你隔離床到訓？系米要自己尿換片？ 答:聯合走佬袋個d我全部執齊 但有d係多餘左既 你參考下~大人先- 牙刷毛巾就必需架啦,但沖涼液個d 除非你好肯定產後你會有精神有時間沖 如果唔係其實個3日都係抹身為主((生完長時間睇住個b,難聽d講屎都無時間屙)),沖洗瓶((唔好懶 次次去廁所一定要沖 傷口無咁易發炎架,但記得用暖水沖下面))！有扣衛生巾2包((呢個簡直係消耗品，聯合係教去完廁所用沖洗瓶沖完再用一塊全新衛生巾印乾下面,佢地唔建議用紙巾的)),網褲(我買左一包有6條個d 但只用左2條定3條)，拖鞋我直接著住入院，仲有帶外置充電器。 -bb個袋 2盒紙巾(到時一盒交比姑娘放係bb床,一盒自己用 但自己帶一盒個d 3日好難用唒 我覺得可以帶便攜式個d 無咁阻位),尿片我帶左一包30塊(我個女勁多屎尿最後用剩10埋左右),濕紙巾我建議帶80片裝 因為我帶左40片唔夠用。 番到房就會推bb黎skin to skin 一小時,之後姑娘就推bb走~之後8小時一定要好好休息 因為接住落黎3日bb會一直係隔離 除非姑娘見你頂唔順幫你凑一個鐘要自己換片 唔識姑娘會教~開頭d胎糞會會好痴patpat 醫院會比每個bb一小盒凡士林教你用 4-你好呀，我想問下關於聯合驗血糖既問題， 因為我收到張紙佢叫我二點幾至四點幾去到抽血血，但無需禁食，我唔知個日佢到底要唔要我飲糖水，我前一晚係咪要空腹好多個鐘？ 答:禁食會有張紙叫你唔準食野~~~如果唔洗禁食 應該唔洗飲，我之前要12:00後禁食8:15要到個邊抽血飲糖水 再等2個鐘再抽 餓到暈~其他醫院可能全部孕婦都要飲 但聯合一般唔係高危/有家族病史/過重 都唔會刻意叫你番去飲糖水~~~~ 5-順產幾多日出院？會唔會好快要你走？ 親友有冇得探Bb？ 答:一切正常就3日出院~ 可以探 每日12-1,6-8探訪時間 每次可入2個人 bb會係一齊係床，醫院唔建議比人抱bb。 6-你好呀, 我見好多岩岩出世既BB都有帶住冷帽, 想問下知唔知係醫院有冷帽俾BB帶,定係要自己準備? 答:醫院比架 只係出世個刻影相用之後都唔會帶 但可以拎番去留念~~~個時差d唔記得拎走姑娘叫停我叫我帶番去做個記念 好啦 今次分享住咁多先️