而家啲冬天越來越遲來臨 11月正正係涼涼地又未好凍既天氣，好啱一家大細去燒野食 於是上個weekend就帶埋兩個仔仔去 BBQ 來到大尾篤呢個BBQ場，人頭費$158加$20開爐費，包每人一罐飲品 尼呢度最大既原因，一個字，玩 因為見佢有吹氣滑梯，又有草地可以比乳酪踢波放電 佢個場有２個滑梯，兩個都係不斷充氣以防唔夠氣有危險，呢個位我覺得唔錯 一開始warm up下，玩下個比較小型的 ２歲幾既乳酪其實都算係較細既小朋友，多數都係４，５歲，even十歲的都有 幸好其他小朋友都好照顧貌似BB既乳酪，仲拖住佢sir 而且燒烤範圍唔算太大，唔會容易走失 Warm up 完就去玩個大滑梯 lu 因為外面係睇唔到入面，所以較細的小朋友家長係有需要一齊入去照顧 外面見到都好似好吸引，好好玩咁 我陪乳酪sir落尼，係真係好快好刺激，仲有離心力添。。 其實都有少少驚，但小朋友們好興奮，好似完全唔驚咁。。 乳酪玩左大概半個鐘，玩到唔肯走，好開心 出到去爸爸已經燒完一轉雞全翼同一轉多春魚了   野食方面，其實都有少少驚喜 啲雞翼醃得幾好味，仲有雞全翼，呢個比較少見 一開始佢話送海鮮，但來到見其他人排隊攞佢話送完即止，原來等多一陣會返貨，最後有啲蜆同兩隻蝦 重點係煲完海鮮啲湯，用來煮蔬菜，整個雜菜煲，好好味！ 總結，玩左５個鐘，放哂電，環境寛敞，可以encore，假日好去處！