又到美食時間! 呢晚相約皮媽到旺角食好西!  知道朗豪坊新開左間韓式料理,  試新野我最like!     Lab10 設計簡約, 以銀白為主色,  俾到人一種好簡潔舒服嘅感覺!     呢度提供多款韓式料理和燒肉,  仲有天然新鮮嘅果汁, 食物多元化,  款款都好想試呀！所以我地決定咩都試吓!       <特級薄切和牛肉眼> 好靚嘅雪花牛,  油花比例均勻, 一睇就知係靚野!   同埋都幾有牛味, 薄切嚟燒,  感覺唔會咁油膩! 配埋特製韓風醬, 更加入味!       <秘製護心肉> 護心肉每隻豬只得少量,  所以很矜貴! 食落肉味香濃而且好咬口!           <三色五花肉> 加入了生薑蘋果醬, 生薑菠蘿醬和青檸醬, 一次過可以食齊3種口味! 入口juicy!           海鮮控必點<大帶子>和<生蠔>, size都唔細㗎! 而且幾新鮮, 即烤即食特別惹味!       再來一個<蔬菜拼盤>健康一下!  蔬菜種類多種類, 全部都係燒烤常備款式~     燒烤完, 再點一些即叫即食嘅菜色試試吧！       <韓式海鮮葱餅>好有份量, 而且好足料!  入口香脆, 仲有滿滿嘅海鮮~       <燒酒煮青口>有近十多隻, 而且size都唔細,  而且只是$78非常抵食! 肉質都幾新鮮爽口~       <韓式辣年糕>好辣嘅朋友可以一試!  入口煙韌, 帶少少辣~       最後, 當然要飲番杯<The Flash>,  一杯有齊晒熱情果, 蘋果, 西柚和蜜糖,  都只係$35, 入口清甜, 好flesh, 好健康!  油膩感盡消~     難得嘅Me time, 大家都食得好開懷!  我地兩位媽媽輕易地把枱上嘅野食全部KO晒, 勁! 整體食物質素不錯, 價錢合理,  以後食韓國野又多了個好選擇喇!   <Lab 10> 地址: 旺角亞皆老街8號朗豪坊10樓26號舖   以下是余媽媽&余小bのFacebook~   余媽媽手記       My Blog Links: Blogspot MyBB Supermami WeShare She.com the Ztyle SeeWide Open Rice     有關產品試用/活動邀請，歡迎與余媽媽聯絡 Email: qsmartland@gmail.com Facebook Fan Page: https://www.facebook.com/yumamabb/ Instagram Follow Me: https://www.instagram.com/yumamabb/