我地搭零晨1點鐘機~~~所以大眼媽當日都繼續返工 回航到家都只係1830~~~仲有last round時間執漏   pack好晒野都1930就call gogo van了   因為實在的士都唔夠我地放野呢!!! 超級正既係…我地call到部Benz呀~~~好舒服又大又夠放野 輕輕鬆鬆就去到九龍站了~~~ 一落車…..咪知大獲囉…我地總共有….大、中、細喼各一 背囊、BB車、大手提袋各一 追到斷氣馬騮一隻~~~ 要記住~~依個只係出發既裝備 回程時….相信!!!絕對!!!!一定會!!!!!更大獲…………………. …………………待續啦!!!XDXDXDXD check in時有洋妞撩玩播 終有被人撩唔係主動撩人了 大眼B真係一個唔知醜字點寫既BB 任何人佢都會撩一餐 我地今次搭新航線~~~AirSeoul AirSeoul係份屬韓亞航空既廉航 話佢係全新既airline又唔岩 因為佢早已係澳門榜上有名 「新」既意思係…2017年11月香港首航 而我地係首航再前(2017年10月)已經買左機票了 由於香港仲未有實體既office 所以早前既疑問都一直要聯絡澳門既AirSeoul 所有詢問都可以靠文字短訊解決了 最大問題係….香港暫時係做唔到online check in 所以最終我地只可以起飛當日既早10小時內做In Town Check In 比起一直早24/48小時既ITCI真係麻煩左少少 因為大家都見我地咁多野加埋隻麻煩B 次次飛時我地都係早一日寄晒行李當日可以輕鬆推B就到機場 不過今次零晨機~~~我地都仲可以放工他調地慢慢出發 唔係既話又咁多野就真係好呢HEA了~~~~~ AirSeoul航機係3/3位置~~機亦都算大隻 而且非一般的廉航~~佢係有電視同野飲嫁 都係第一次睇卡通短片黎代替空姐真人示範 仲有既係~~~~有叉電位嫁!!!!!讚讚讚~~~~ 其實空間同普通機差別不大~~~當然不要用A380去比較 而且設施都唔錯~~~廉航黎講都算係幾優秀 希望佢營運唔好差於預期而停航啦 唔係都係一個幾好既低消費選擇!!!! 因為佢隻機都真係幾爆~~~祝佢長飛長有! 講番有幾廉先~~~我地都算係小旺季出發同回航 15/12 – 20/12 價錢係618500Won, 大概係HKD4560 包左3件15KG既行李!!!!冇錯~~係15KG~~有D麻煩既數字…. 而且佢比你加買行李都係以每件每件每件15KG….係一下子買唔到30KG的 想30KG就只可以2件15KG….而且另買行李係比其他廉航貴嫁………….. 我地加買左回程時既1件15KG….係要60000Won, 大概HKD 440. 本來有打算21號先返黎嫁….不過正正21可能係踏入旺季了….要每人貴多HKD1000 所以都係早走早著~~~~ 大眼B韓國過白色3歲生日#1のInTownCheckIn 大眼B韓國過白色3歲生日#2の先去Element食個晚飯先 大眼B韓國過白色3歲生日#3の機場玩樂near gate25 大眼B韓國過白色3歲生日#4の終於消磨到上機喇 大眼B韓國過白色3歲生日#5の到左酒店~NineTree2 大眼B韓國過白色3歲生日#6のSeaLaLa水上樂園汗蒸幕 大眼B韓國過白色3歲生日#7のBR雪糕蛋糕 大眼B韓國過白色3歲生日#8のday tour去景福宮