以前BELLA嘅下午茶點， 都係離不開乳酪，蛋糕仔，餅，蘋果等， 但最近佢好似已經厭倦，而且大個左， 食量亦多左，有時見到我買下午茶， 又想分杯羹，但阿媽食嘅多數煎炸無益， 所以諗左個快速簡單又唔會單調嘅茶點煮比佢， 只係用左雞蛋，白蘆薈同紅蘿蔔呢D健康食材做， 雞蛋真係可以跟不同食材配搭， 做出好多種唔同嘅料理 。   《幼兒健康茶點：白蘆筍紅蘿蔔迷你蛋卷》     材料： 白蘆筍兩至三枝（視乎食量需要） 蛋兩隻 紅蘿蔔四至五片       做法： 先將白蘆筍去皮，切去根部。 紅蘿蔔去皮後，打直切半， 用刨皮器刨出一片片長條薄片。 把白蘆荀及紅蘿蔔片隔水蒸8分鐘， 然後瀝乾水備用。     雞蛋打勻，有需要可加些許鹽。     預熱平底鑊，放少少油，油滾後轉中火， 倒入蛋液，離鑊轉動平底鑊，讓蛋液平均分怖鑊中， 之後可放回爐頭直至蛋液形成蛋皮後熄火。     蛋皮待涼一點後， 放入白蘆筍，用蛋皮卷起， 然後再鋪紅蘿蔔片再卷至末端。         出用蛋卷，切小段，即成。 食用時可配車厘茄或水果同吃， 健康豐富，大人細佬都食得。       ****************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss