懷孕五個多月的鍾嘉欣，昨日回港出席活動，今次要離開老公同囡囡兩個星期，鍾嘉欣都表示好唔捨得，不過幸好還有腹中的「寶貝」陪同。   鍾嘉欣在活動後於微博發文表示「感恩今天可以跟寶貝一起出席他/她第一個跟媽媽的活動。」    暫時唔想知BB性別 希望Surprise   問到腹中的BB，嘉欣覺得囡囡是上天給予的禮物，對於第二胎已經好感恩，仲話應該唔會再生「生埋今次應該封肚了」。至於BB的性別，她就話暫時都仲係一個謎「雖然已經照了，不過我都叫醫生唔好講出來，因為我同老公都希望保持返神秘感，到時可以有個surprise」但她補充，生仔生女都無所謂，現在已想定兩個名(一男一女)，等生完再決定。   嘉欣出席活動時仍身穿高踭鞋 完全沒有孕味   返返工作兩星期 好掛住囡囡   對於今次回港工作，要離開囡囡Kelly兩個星期，她都表示好唔捨得「從來都未試過離開囡囡咁長時間，尤其聽到屋企人同我講，囡囡周圍搵媽咪」講起囡囡，佢仲話Kelly已經好痴身，有時候會摸下媽咪個肚，笑指：「可能Kelly感受到威脅啩」   要離開囡囡兩星期咁耐 嘉欣話係第一次   素菜BB？   今次第二胎比較上一次，害喜問題更嚴重，經常都會嘔吐、無胃口，尤其意粉、肉類等濃味菜式，不太能接受，所以形容今次這胎是「素菜BB」。但她好感謝老公好包容、好照顧自己。同時她都為老公澄清「唔係老公爆出去有第二胎架，我到而家都仲搵緊邊個係兇手，哈哈」愛夫之情洋溢面上。   懷孕5個多月的鍾嘉欣依然明艷照人    播片睇下鍾嘉欣點講：     鳴謝：Max Factor