從港島搬到九龍其實仲有另一個好處，就係每逢聖誕或大時大節時，附近嘅大型商場實有好多靚靚嘅佈置及裝飾。   今日趁住等爸爸放工之際，我就帶咗小JM去遊走附近嘅商場，欣賞一下靚靚嘅裝飾，順便感受一下節日氣氛添！ VIDEO:     舊年MegaBox就有Peppa Pig家同大家慶祝，今年就揾咗Little Twin Stars來打造「聖誕夢幻樂園」來陪大家過聖誕添。 MegaBox中庭樓底極高，所以係呢度佈置咗一棵30呎高嘅夢幻聖誕樹，而且仲有戶外玫瑰花海、8呎巨型 Lala 等嘅打卡影相位添！ 唔單止咁，呢度仲會有音樂燈光表演添架，真係啱晒一眾Little Twin Star迷及一家大小來歡度聖誕架！ 未入Megabox已經見到商場正門換上咗星星燈飾啦！ 係花圃位置仲有Kiki、Lala同你一齊影靚相添～ 場內30呎高夢幻聖誕樹仲會每15分鐘舉行一次音樂燈光表演，帶連場內嘅二萬粒LED燈飾都會隨著音樂節奏閃爍，而Kiki同Lala 亦會隨住音樂向你揮手Say Hiya添架。 係巨型聖誕樹內面有互動遊戲 「星夢歷險屋」可以玩。 仲可以摘星星儲能量值換優惠劵添。   場內有不同打卡位可與 Little Twin Stars 合照。 粉紫和粉紅色、30 呎高的夢幻聖誕樹，掛上玫瑰花和啤牌等裝飾。     戶外 LED 玫瑰花海 今次係戶外平台仲佈置成玫瑰花園咁，日間會看到Kiki同Lala係心形拱門度打高爾夫球；而入夜後嘅玫瑰花園仲會變成粉紅色LED嘅浪漫玫瑰花海添。   在 Little Twin Stars 攝影區，Lala 與 Kiki 與其他精靈會與小朋友們拍照，另外也有照相館可以與 Little Twin Stars 合影，並製作獨一無二的聖誕卡。  場內並設有 Little Twin Stars 期間限定店，由 11 月 17 日起，消費滿指定金額就可換領 MegaBox 聯乘 Little Twin Stars 限量禮品。       MegaBox。Little Twin Stars聖誕夢幻樂園 日期：2018年11月17日 ‑ 2019年1月1日 時間：上午10時至晚上10時 地點：MegaBox L5 中庭   戶外 LED 玫瑰花海 地點：MegaBox L5 戶外平台   Little Twin Stars 攝影區 地點：MegaBox L9 MegaKids Bazaar