不知不覺這個超難捱的十一月差不多完結   然而這個令我精神緊張既月份亦正式可以放鬆囉 為什麼緊張?主要就是小朋友的K1 面試月   明明在年頭才剛剛面試完不久， 轉頭又在年尾時候，整個月份也在面試。 係今年這個K1 面試我報選了八間學校， 有朋友都跟我說 【你明明都已經有學校讀緊啦,仲要報多咁多間?】   呢個問題，正如你都有份工做緊啦， 點解仲要睇JobDB 呢? 其實我地而家讀緊既學校，真心既係幫左我好多， 令我想轉校既最大主因都係認為佢有點兒遠， 同埋學舍比較細之外， 唔係我都可能會想Keep 住讀   加上報學校既時候都係岩岩開學，真係唔知學校對Gogo既成長係點， 當然怕死下報曬屋企附近既全日班啦 係面試K1既時間多數都係以11月面試為主， 所以當初真係好擔心撞時間， 幸好既我地報左八間學校真係撞左一間咁多   或者今次面試月，本身已經有自家學校係手， 的確係冇上年咁慌，亦冇太緊張既心態去面試 係十一月第一個星期我地已經要面試四間， 其實係當時我已經不斷同GoGo洗腦， 我地黎緊會去唔同既學校【玩】， 因為當時Gogo 對於番學仲係成日講唔要呀， 唔番學會喊會抗拒咁樣， 所以唯有以去玩既心態同佢去面試。   真的，事隔半至一年，加上在學校中真的幫了他不少， 不論表現，禮貌，自理能力亦比起我想像中更好， 起碼老師問起問題時，亦會自動答，亦唔會唔理人咁。   係三個星期入面既面試，的確係有好同唔好既地方， 有一些地方會比多少少時間比小朋友去熱身， 但係有一些學校真係等多過面試， 有一些學校會問一些，我心想咁細既小朋友會唔會真係明呢? 有一些學校會先給小朋友先玩玩下玩具就突然去面試   好認同係當學校/老師面試緊你小朋友同時， 你同小朋友亦面試緊間學校， 有一間學校係之前N班時我都有D 期待可以入學， 不過係今次既K1 面試，我就說即使佢肯收我地， 我都未必想再入去讀啦....   反觀有一些係當做後備的學校，即係收唔收都唔太著緊既， 係面試完又覺得好似好岩自己同小朋友， 所以有時面試真係自己去面試見工一樣架。   正常大家的面試應該也完結了，即使成績係如何， 你心水的學校是否會收取你家的也好， 唔會冇書讀，只係未必係你理想既學校或者時間而已   我已經同Gogo 講，不論你面試成點， 我真的覺得你已經贏左， 即使考唔到媽咪心目中既想入既學校， 我地仍然有你喜歡既學校，喜歡既老師同埋同學。   雖然我地完成曬所有既面試，但係真係要知曬所有學校既面試結果 最快都要十二頭才知道幾間，有一些十二月尾才知曉 也許到十二月尾的時候再跟大家報喜/憂我們的結果吧   盡情跟小孩去狂玩吧，好好享受我們的讀書生涯前夕吧 謝謝你的成長，讓我知道其實你真的很棒的， 你的表現令我估不到的驚喜。     待我地遲一些再跟大家去報喜/報憂吧 希望各位同道人也有你心儀既Offer 吧^^ 就這樣完結啦，下次再見啦!(拜~) ◕‿◕如有任何合作事宜，歡迎找我呀   Beauty | Baby | Food | Life  Angel 小魔怪Mama     E-Mail: manman81!@gmail.com instagram.com/angelbabyhome facebook.com/angelbabyhome/ 小魔怪。私家竇