《愛麗絲夢遊仙境》，相信無論大人定小朋友都一定樣聽過，可以話係家傳戶曉嘅經典故事。 小JM媽亦好喜歡呢一部作品，所以知道沙田新城市廣場將會以「愛麗絲夢遊仙境」為主題慶祝聖誕，即時為之雀躍。   新城市將早前係韓國展出嘅愛麗絲夢遊仙境裝置藝術「Alice – Into the Rabbit Hole」移師到商場3樓玻璃天幕廣場及7樓戶外星光花園。等大家可以近距離欣賞藝術裝置之餘，實行帶俾大家一個全新嘅聖誕體驗！   「Alice’s Adventure @ Starlight Garden 夢遊奇幻聖誕」設有多個打卡影相熱點，靚人加靚景，又點可以唔影低留念呢？   VIDEO：     睇完VIDEO係咪好想即刻去影相打卡呢? 唔駛咁心急住，睇埋有咩景點同小提示先啦！記得Mark低唔好漏啦！   小提示大錦囊 1. 登記成為新城市廣場VIP Club會員尊享全新推出「快速通行證（FASTPASS）」禮遇 節省輪候入場時間  2. 跟ALICE做閨密  換領電影娛樂禮遇 　　任何人嘅FB 名稱或身份證上嘅名同「Alice」一樣，就可享低至四折購買「MOVIE TOWN」電影戲票！     打卡影相熱點簡介：   3樓玻璃天幕廣場: 一共有7個不同嘅打卡影相點。 1.) 30呎巨型聖誕樹兔子洞穴 + 10呎高巨型愛麗絲充氣公仔 呢個咁經典嘅場景又點少得！   2.) 愛麗絲復古夢幻房間 (Alice’s Room) 綠悠悠嘅復古氣息睡房，夢幻氣息甚濃！ 小JM舒服到簡直想訓覺添!   3.) 淚眼之泉 (Pool of Tears) 啲物件似唔知俾愛麗絲嘅眼淚浸沒咗咁呢?   4.) 仙景幻象單車 只要踏上單車用力踩就會見到動態幻象出現，好神奇呀！   5.) 皇后的槌球後花園 (Queen’s Croquet Island) 紅心皇后槌球嘅場景亦係一個經典場景。 整個粉紅系嘅水池連埋粉紅色小樹、粉紅鶴格外吸晴！   6.) 夢幻發光蘑菇園   7.) 愛麗絲經典對白打卡牆 「How long is ferever?」絕對係經典對白之一。   你以為咁就完？其實仲未架，係七樓仲有大大個戶外場景可以打卡同影靚相架。 同場亦有工作坊可以參加添！   7樓星光花園一共劃分成三大秘境，總共有13個打卡影相點！ 秘境一.) Mystery Zone 奇幻迷境 一步入星光花園即時踏入奇幻迷境之內，兩邊仲有巨大嘅玫瑰花！ 而花圃仲有大小不同嘅時鐘擺設添。   1.) 奇異舞動玫瑰花 踏入秘境後彷彿已經被巨大嘅玫瑰花所包圍住。   2.) 巨型幻象咖啡杯 經過巨大嘅玫瑰花後，見到一個巨型咖啡杯被打翻咗呀！ 入面仲有好多愛麗絲嘅物件添呀！   3.) 巨型發光貓眼蘑菇 經過咖啡杯後，隨即進入咗由巨型發光蘑菇及貓貓草叢所堆砌而成嘅小樹叢。   秘境二.) Mirror Central Zone璃光仙境 穿過奇幻迷境後，隨即進入咗璃光仙境！入面嘅景點一樣咁奇幻有趣！   4.) 神秘貓眼水晶球 大帽子之下有數顆貓眼水晶球，唔知點解總係覺得佢好似望住你咁嘅～ 不過無做壞事，又駛乜驚！ 你睇小JM同小B哥哥笑得幾開心！   5.) 10呎高巨型紳士貓 嘩～係紳士貓同聖誕老人呀！ 紳士貓同聖誕老人都咁可愛，小朋友們就緊係鍾意佢地啦！   6.) 繽紛聖誕樹 + 貓尾星空聖誕樹   8.) 100呎長顛倒光影隧道 粉色系嘅光影隧道再加上燈光效果，令人彷如置身時光隧道之中。 到底走出去又會去咗邊呢？   9.) Mirror Dome仙鏡圓頂屋 必影打卡點之一。 浪漫迷人設計，星光閃閃～最啱同愛人一齊影相打卡留念。   10.) 神秘大嘴貓咪 轉眼間聖誕老人又來到啦！今次我地遇見大嘴貓咪呀！   11.) 迷失帽子樹林 四周圍仲滿佈咗帽子樹，要小心迷路呀！   秘境三.) Alice Dreamy Zone愛麗絲夢之境 終於來到最後一個秘境啦！入面仲可以搵魔鏡影相，等魔鏡話你知似邊個角色添架！ 另外係呢度仲可以參加「SPRAY ME」自家調配香水及「SPEAKING FLOWER」發光玫瑰工作坊添架！   12.) 流星瀑布   13.) 神秘大宅智能魔鏡   「SPEAKING FLOWER」發光玫瑰 「SPRAY ME」自家調配香水   Alice – Into the Rabbit Hole (香港站) 日期：2018年11月27日 ‑ 2019年1月13日 時間：上午10時 ‑ 下午10時 地點：沙田新城市廣場 3 樓 及 7 樓空中花園 各項活動詳情及參加方法: 「SPRAY ME」 自調香水工作坊 日期：12月8、15、22、25、26及29日 時間：下午3時至6時 (共3節，每節10人，每節1小時) 地點：一期7樓星光花園 參加辦法：新城市廣場VIP Club會員憑18分/非會員以電子貨幣消費滿港幣$3,000即可換領。   「SPEAKING FLOWER」發光玫瑰工作坊 日期：12月9、16、23、30日及1月1日 時間：下午3時至6時 (共3節，每節10人，每節1小時) 地點：一期7樓星光花園 參加辦法：新城市廣場VIP Club會員憑20分/非會員以電子貨幣消費滿港幣$4,000即可換領   聖誕乾花吊飾工作坊 與Maison Christian Dior及Guerlain合作，於店內舉辦工作坊，新城市廣場VIP Club 會員以指定積分可獲優先換領名額。 (1)Maison Christian Dior聖誕乾花吊飾工作坊 日期：12月1-2日及12月8-9日 時間：下午2時至8時 (每節30分鐘)     (2)Guerlain聖誕乾花吊飾工作坊 日期：12月1-2日、8-9日、15-16日、22-23日及29-30日     時間：下午2時至6時(每節30分鐘)       號召全港《愛麗絲》大行動- 與Alice同行享4折電影購票優惠 日期： 12月22-23日及12月29-31日 時間： 中午12時至晚上10時 地點： 一期3樓換領處(近Zara店舖) 內容： 與名字叫Alice的朋友(需出示身份證明包括：身份證或個人社交媒體帳號)同行並登記成為新        城市廣場VIP Club新會員，每人即可換領HK$60電影禮券，以低至4折於MOVIE TOWN        售票處購買指定電影戲票乙張。(每日名額40個，先到先得，換完即止)   Alice 奇幻世界攝影比賽 日期： 11月27日至1月14日 內容：只需於＜Alice’s Adventure @ Starlight Garden夢遊奇幻樂園>聖誕裝置中拍照，並上載於Instagram加上Hashtag《#AliceXmasHK》《#NewTownPlaza》，即可參加比賽。拍出最唯美及極具創意的照片，可贏取iPhone Xs、GoPro相機及Movie Town電影戲票等豐富獎品。   「Funtasy」奇幻驚喜獎賞 日期：即日至1月1日 時間：中午12時至晚上10時 地點：一期3樓換領處(近Zara店舖) 新城市廣場VIP Club 會員以電子貨幣即日消費滿港幣$1,000 (最多2張不同發票)，便可參加即抽即中有獎遊戲乙次，贏取iPhone、Apple Watch、iPad、Dyson  吸塵機、一田現金券、Movie Town電影戲票或其他豐富禮品！顧客以銀聯卡簽賬或其中1張消費單據為三期商戶，可額外獲多1次抽獎機會。