媽媽成日都偷懶~~ 今日我地整hea爆咖哩飯~~ 不過今次個配菜一D都唔hea~ 因為係媽媽牌手打漢堡扒啊~~~   材料: 免治牛肉 約4湯匙 洋蔥 半個 甘筍 1條   調味料: BB咖哩粉 半包 lemon pepper 半茶匙   做法: 先講咖哩 1. 半個洋蔥切1/4出嚟備用, 其餘切粒, 甘筍批皮後切粒  2. 燒熱平底煲, 落小小油, 爆香洋蔥  3. 開始聞到洋蔥香味, 就落埋甘筍粒  4. 炒到甘筍粒變暗小小, 洋蔥有dd透, 就加水到過咗蔬菜面, 落埋咖哩粉拌勻, 開最細火煮15分鐘 好~ 到漢堡扒~ 1. 頭先切出嚟ge洋蔥切到極細粒, 撈落牛肉度, 落lemon pepper, 向同一個方向攪拌到覺得對筷子比佢地扯實咗  2. 雙手手掌心沾水, 不大約2/3湯匙肉落掌心, 然後左右撻過右手, 右手撻返過左手, 約十次, 再搓成肉波, 輕輕按扁, 變成漢堡扒  3. 開平底鑊煎漢堡扒, 中火燒熱鑊之後落漢堡扒 4. 煎大約2分鐘後反轉, 煎1分鐘, 加1湯匙水, 冚蓋2分鐘   5. 搞掂~ 整埋喵喵飯糰啦~~ 上次同表妹小姐血拼名古屋時買ge模終於用喇~~ 超簡單~~ 將D飯放晒落去  跟住冚埋個蓋用力壓實, 然後响底推返個模出嚟, 就完成咗喵喵飯糰喇~~   整開米豬0個D我又點會唔整我同爸爸0個碟呢??    米豬試食時間~ 因為見到喵喵飯糰, 胃口大開~!! 一野就拮咗落個飯度放入口~~ (但係你咩都拮唔中呀傻豬~~)  食晒就ma大個口 呀~~~ 咁  食飯唔好賣萌please~~   煮食小貼士: 1. BB咖哩於日式超市有售, 不過都有小小高鈉, 一次落半包好喇, 同埋簡唔中食一次過吓口引好喇~ 2. 攪拌同埋撻漢堡扒係等佢會彈牙d~~  如果有麵包糠可以落小小, 咁個漢堡扒會再juicy d~ 3. 加水冚蓋煎焗係等熱力沁入漢堡扒中間, 整到中間都熟, 從而縮短煎ge時間, 咁就唔駛怕佢乾真真啦~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/