小朋友每個成長階段都係一個挑戰. 回想紅豆滿6個月後返健康院, 因為開始坐得隱, 腰骨夠力, 姑娘開始建議媽媽可以改用學習杯. 等寶寶可以學習吸吮技巧. 當時我就開始好緊張周圍物色合適嘅學習杯, 真係上網爬文, 又在媽媽群組問意見. 綜合出來嘅意見都係: 飲管杯無論對小朋友學習吸吮技巧或上手度都會比較好. 當中都買過好幾款學習杯來試, 只要有朋友介紹好用的, 我都買一個. 但真係試過後先發現, 要搵一個適合嘅真係唔容易. 經過紅豆實際使用之後, 綜合各方面的表現, 都係情歸Philips AVENT依款學習杯.   首先對於一個6,7個大嘅寶寶, 佢地手仔大小肌肉正在發展,  又因為手指肌力不足, 需要雙手才能抓起學習杯,  所以學習杯嘅手握柄就好重要, 我會先建議購買有雙邊手把嘅學習杯 而紅豆用緊嘅依款學習杯手柄配備人體工學設計, 紅豆單手或雙手握都好輕鬆   另外, 媽媽最重視嘅就是寶寶容唔容易吸吮嘅問題. 起初紅豆是先試用另一牌子嘅幼管學習杯,  但我發現紅豆需要好大力吸吮, 周不時仲會被”濁親”而咳嗽. 對於一位正在學習飲水幼童, 難免令到佢有點怕怕. 之後改用依一款粗管學習杯後, 因為係粗管關係, 紅豆嘅口腔比較容易掌握及吸吮, 好快就順利地可以自己飲水, 仲減少了被”濁親”嘅機會. 同時有助鍛鍊口腔肌肉，帶來健康嘅口腔發展.   仲有一點係每位媽媽都好關心嘅, 就係學習杯漏水同清潔問題. 依個杯有防滴漏活門設計, 頂部翻蓋可保護吸管,  而且我試過外帶出街, 整個杯係袋內翻騰, 都無漏水, 設計方面真係應記一功. 學習杯因為係紅豆日日使用嘅物品, 所以必須清潔乾淨. 好彩依個杯零件都好簡單, 容易拆卸清洗, 唔會有太多細節位可以藏到污垢. 當寶寶開始食固體食品之後, 就可以開始練習使用吸管式學習杯飲水， 記得要揀一啲方便攜帶外出嘅吸管式學習杯, 咁就可以隨時隨地補充水分, 但新手媽媽好多時都唔知如何選擇, 希望我嘅分享可以幫到你撙到合適嘅學習杯.~   ************************************************************** 免責聲明:本文章所發表的全部內容均屬個人意見及感受，並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或尋求相關專業意見。   歡迎邀稿│合作試用│出席活動: 年糕 Email: lincolefu@yahoo.com.hk 年糕 Facebook: https://www.facebook.com/LINCOLE.LIN.GO   年糕 Instagram: http://instagram.com/Lincole_happy