我最近諗左呢款至尊Pizza整比Bella食。 大人食嘅Pizza要焗，批底硬， 就算健康式自製， 要搓批底等多重工夫， 總覺得好大工程。 然後我諗來諗去， 索性用pancake底來做幼兒Pizza。 所以口感係軟綿綿嘅。 至於材料，任君選擇， 但既然係做Pizza， 我就用左最經典嘅蕃茄，洋蔥， 免治豬肉，青椒同蘑菇， 仲加左藍莓來代替菠蘿嘅酸甜， 好豐富嫁，可以當正餐食。   《幼兒健康食譜：軟綿綿迷你至尊Pizza》     材料（全部少量便可）： 免治豬肉 蘑菇 青椒 洋蔥 車打芝士 車厘茄 藍莓       批底：   比例是麵粉3湯匙配雞蛋半隻     做法： 先把雞蛋及麵粉混合攪拌， 直至沒有粒粒黏在一起。     混合後質感要呈芝麻糊狀， 如果太稀可加些麵粉中和， 太少就逐些逐些水加入拌勻， 如無把握建議可倒一茶匙入平底鑊試效果。 *也可重溫我早前的野菜風味蘑菇豆腐薄餅食譜：https://huihuiplayground.blogspot.com/2018/04/bb10m.html   如果唔想自己調製餅底， 也可用BB食開現成的pancake粉來做。       另一邊把蘑菇、青椒、肉碎及洋蔥， 隔水蒸熟，然後瀝乾水份，切碎備用。     車厘茄及藍莓切片。     芝士切碎。     最好用一個碟子盛載全部材料， 方便快手鋪放在薄餅上。     易潔平底鑊開細火，不用加油， 慢慢倒入餅底槳，     然後在上面放入材料， 盡量將每種料都接觸到餅槳黏合。     然後在上面灑上芝士碎。     等待餅底成型，餅面半熟澎漲， 目測表面材料都差不多黏合在餅面上時， 就可以剷起整塊薄餅。       開大火，快手翻轉，然後輕輕按一按薄餅， 讓溫度溶化芝士，3秒後即關火或離鑊， 再慢慢剷起薄餅翻轉，即成。     這個材料配搭跟我地大人食嘅至尊Pizza口味相似， 超好食又健康，無油，免焗，原汁原味， 試過放雞肉粒同樣好味。         批底軟綿綿，批面滿怖豐富材料， 已經是一餐主食了，希望各位BB喜歡。         ****************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss