早兩星期，沙律媽媽寫左一篇PN Interview 有感！ 純粹因為沙律B由4月開始報PN，沙律媽媽有小小感受想分享下！ 總結：做香港嘅小朋友好慘，做家長都好慘！ 今次唔講PN，沙律媽媽想講下 playgroup [aka PG]！ 近呢幾年，PG真係百花齊放，各式各樣，咩都有！ 沙律媽媽都有俾沙律B上PG，錯！應該係PGs！ 沙律B一歲左右開始上PG，星期六朝早上堂，一星期一堂！ 當時完全零概念，所以聽朋友講左某PG唔錯，就走左去上trial lesson 沙律爸媽係打工仔一族，放星期六日加紅日 但星期六仲要晨早爬起身，同沙律B去上PG，真心累，真心眼瞓！ 當其時俾沙律B上PG喺想沙律B接觸多啲人，等沙律B唔好咁怕生保 沙律B平時由爸媽+姐姐湊，超驚陌生人，見到係會爆喊 爆喊真伙令到沙律爸媽好尷尬，同時亦都好無癮！ 逼於無奈之下，唯有俾佢番下PG，等沙律B適應人群！ So far 番左大半年，沙律B真係改善左好多，同時亦都識聽好多指令！ 第一間PG，集團式，係一間非常local嘅PG，每堂一個鐘，主要中文教學！ 沙律B當時12個月大，算係細B，父母要陪同，坐playmat上堂 細B班最多4位BB，外加4-8位家長，再加1位老師 以下就係課程內容: Part 1: 唱Hello Song [英文歌]，外加拍手/大脾動作 Part 2: 都係唱英文歌，大約2-3首，需要做動作，有時會有shakers Part 3: 大小肌肉訓練 / 做手工 / Story Time Part 4: Tidy Up 時間 Part 5: Sensory Time，多數用手接觸食物/物件 **Sensory Time，多數利用食物，因為放入口都唔緊要！ Part 6: 唱Goodbye Song [英文歌] 感想︰沙律B上左一個course，大約3個月左右，其實都學左唔少野。 雖然每一堂內容都一樣，但對小朋友嚟講，可能好新奇！ So far 沙律B番得好開心，學識左唔少指令，亦都學識左好多歌仔！ 最緊要係，無咁驚生保人！加上center 啲老師都幾好，沙律B 都唔會抗拒。 仲有，家長番到屋企要同小朋友重覆玩 PG啲野，令小朋友記得快啲！ 沙律媽媽就同沙律B不停重覆唱 Hello Song，玩到宜家都玩緊。 宜家次次玩，都會問沙律B︰hello to 邊個呀? 跟手沙律B就會講一個人出嚟，呢啲就係沙律媽媽喺PG學嘅野，好受用！ 沙律媽媽仲會買埋PG見到嘅玩具，如shakers，同沙律B坐playmat玩。 潛移默化，真係學到野，番左3個月，沙律B真係有少少唔同左。 上完一個course，沙律媽媽就轉左第二間PG！ 第二間PG係一間正規嘅幼稚園，亦都係沙律媽媽target PN嘅其中一間。 因為報PN時，張form會問你是否上過本校親子班！[幾屈肌，幾商業！] 就係因為呢句，沙律媽媽幫沙律B轉PG，睇下PN interview會唔會著數啲！ 由於係一間正規嘅幼稚園，地方又大，玩具又多，資源又多，同第一間好唔同！ 連上堂嘅模式都分好多種 [以BB月份分]，兩文三語！2位老師+1位姐姐！ 12-15個月，坐playmat上堂。 16-20個月/20個月以上 [即係有2班]，坐櫈仔上堂，完全模仿PN上堂模式！ 以下就係課程內容: Part 1: [英文] Hello Song + Weather song + 7 Days in a week song [要做動作] Part 2: [英文] 互動時間，拎啲教材出嚟同小朋友玩 [如顏色配對等] Part 3: [英文] Phonics Time，呢間用Jolly Phonics，每堂都一個字母 Part 4: [粵/普] Greeting 時間 + 唱歌仔，做動作 [同part 1 差不多] Part 5: [粵/普] Story Time Part 6: 勞作時間，多數coloring **Snack Time 已用杯飲水，完全似PN上堂模式！ Part 7 : Snack Time [同PN好似] Part 8: Play Time [12-15個月BB就訓練大肌肉，16個月以上就去playground玩] **因為場地相對較大，又係正規幼稚園，所以有大型玩具！ Part 8: Bye-Bye Song，離開要排隊拎artwork，再出門口 感想︰沙律B上左4個月，其實都學左唔少野，沙律媽媽學左仲多野！ 今個PG同第一個好唔同，呢個PG會因應小朋友年齡而教學，唔錯！ 沙律媽媽係書僮，上左咁多PGs，都摸到沙律嘅個底，其實沙律B好鐘意Phonics！ 同埋即使用英文上堂，沙律B都完全無問題，反而普通話真係完全唔明！ 上左4個月，已經有PN收左 [呢間幼稚園嘅姊妹學校]，沙律媽媽就停左上堂。 停嘅原因係想休息下，因為PG時間係星期六早上9點，沙律爸媽好想休息下！ 其次，沙律B需要consult牙醫，需要做一個小手術，但仲未有clinic手術時間。 如果我報左PG，又上唔到堂，又唔可以順延，簡直浪費錢！ 另外，沙律B仲有上緊另一個PG，亦都係沙律B第3個PG！ 第3個PG係超local，果位老師只喺本區授課，喺體育館上堂。 全程中文授課，真係好local，好local！ 第一堂trail係本住試完就算，點知沙律B好enjoy，上得好開心！ 於是沙律媽媽join完一個course又一個course，因為沙律B開心！ 呢個PG內容比較簡單，以下就係課程內容: Part 1: [上堂前10-15分鐘] 家長發問時間，多數問本區PN同升學問題，非常貼地 Part 2: 完左家長發問時間，叫小朋友收玩具 Part 3: 唱hello song，點名 Part 4: 圖卡matching，多數以生活上見到嘅野為主題 Part 5: 大肌肉訓練 Part 6: 勞作時間 Part 7 : 唱 bye-bye song 感想︰沙律B前前後後都上左10堂，一星期一堂，宜家仲上緊。 呢個PG同第一二個PG完全唔一樣！非常貼地，又唔係牟利機構，幾舒服！ 沙律媽媽最鐘意家長發問時間，因為報PN時都問左老師好多升學問題。 除此之外，其他媽媽都會share佢地番其他PG嘅野，都知邊間好邊間唔好。 同埋，老師本身都有2個小朋友喺本區讀緊書，本區情況應該清楚！ 另外，番呢個PG，沙律B都幾放，幾enjoy，指令又聽多左！ 但上多3堂左右會停曬所以PGs，因為小手術已定左期，需要休息下！ 可以after CNY 再報PG，到時又要有唔同strategy！ 總結番左3個唔同形式嘅PGs，沙律媽媽都好滿意！ 因為沙律B喺唔同PG都學到唔同野，同時都真係唔係咁怕生保。 而沙律媽媽亦有一番感想與感受！ 沙律媽媽一直都係書僮，喺PG見到好嘅教學方式，會學埋，番屋企玩 好似第1個PG，沙律B學左hello song，到宜家都玩緊。 多數同沙律爸爸圍圈圈坐，之後大家一齊拍大脾，逐個逐個greeting！ 而第2個PG， 學左phonics，宜家沙律B都識左好幾個字母 有時叫佢拎字母俾我，沙律Ｂ都做到，當時要日日問，時時問先記到 除左Phonics，仲有其他歌仔都好有互動性，家長番到屋企又可以陪玩 至於第3個PG，家長會接收到資訊！ 沙律B喺第3個PG都學識左中文指令，之前要英文先識。 其實沙律媽媽都有目的/標，我係懷著呢啲目的/標上堂 如何achieve到，呢個PG即係對沙律B有用，otherwise可以放棄！ 仲有，好多PGs都係一星期一堂，在職父母真係得番weekend 沙律媽媽都知好辛苦，但唔好以為上左PG，俾人教，就得 小朋友都係一歲鬆啲，唔好expect佢地會學完會會記得 番到屋企其實要不停咁重覆課堂內容，等小朋友可以記到 所以沙律媽媽喺PG學完啲野會番屋企自製教材 So far，第二個PG俾到最大inspiration沙律媽媽 下次可以分享自製教材 ！ 提外話，沙律媽媽真係響第1間PG見過一個好無理嘅媽媽。 話說試堂只需HK$99，如即日買堂就有優惠，如想再試一堂就用正價！ 如上完第二堂join course，會扣番第二堂正價，當course價計。 即是第二堂正價可以話用嚟hold course用！其實好fair！ 有一個媽媽試完堂，睇個款都知無心買堂，純粹試，R著數果啲。 試完一堂，想再用HK$99再試一堂，點知center唔俾 果位奇葩媽媽話：我咁快用正價買多堂，如果唔啱，我未俾貴左囉！ 同埋一個course咁多堂 [12堂]，我點知你地可唔可以guarantee好過其他? 上刪數千字，總之，講左一大論，都係得個吉，結果無買到就走左！ 沙律媽媽即場同沙律爸爸講：cheap 友！ 其實沙律媽媽唔鐘意周圍試堂，覺得一間唔錯，就會試一個course PG得唔得，好唔好，work 唔work，好睇小朋友個人，唔可以一概而論！ 無人guarantee 上完一個course會變天才，亦都唔會因為唔上PG而變蠢才！ 唔係PG本身課程好唔好，而係小朋友係未適合！ 所以沙律媽媽上PG都有目的，就係沙律B番得開心，唔好再咁怕生保！ 而書憧沙律媽媽就可以偷師點教沙律B！ 嬰兒用品系列︰ 如何選購嬰兒用品のSwaddle﹑包被﹑包巾﹑睡袋的重要性！ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩？！ 小腳板走天涯の如何選擇旅行地點，機票，酒店同其他事宜？ 小腳板走天涯の10m台灣旅行應該帶啲咩！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 教育系列︰ 教育系列のPN Interview 有感！ 其他忙碌日常︰ 加固系列の嬰兒可以食咩零食？！ 健康系列の如何應付寶寶の便秘問題？！ 暗藏細菌系列の選用沖涼玩具時要當心！ 沙律媽媽的忙碌日常の湊B去街應該拎啲咩？！ 純粹分享の在職媽媽補身恩物—老協珍熬雞精！！
