唔知用開奶樽嘅媽媽有無遇過bb食奶個陣，一係就奶速太快令bb濁親，一係就太慢bb好用力先食到。依加大家就有選擇啦。 法國Dodie奶樽一個奶咀，有晒3慢、中、快嘅流速（唔怪得我媽媽話依加湊b愈黎愈方便） 最近接觸到呢個有趣嘅奶樽牌子 – Dodie奶樽。首先第一眼見到已經覺得好eye-catching，佢係三角形樽身架！ Dodie奶樽同市面上見到嘅真係好唔同！自己拎上手都覺得幾特別，幾易握住，連 bb都可以握得好輕鬆。所以Dodie奶樽仲可以訓練埋bb手部肌肉！ Dodie奶樽另一樣最令我Surprise嘅係佢地奶咀嘅設計。佢一個奶咀就已經有晒3個流速：慢、中、快。奶咀上有唔同嘅點點，1點就係慢流速，2點係中流速，3點係快流速。配合BB不同的活動狀況調節速度，非常方便好用。 小恩恩雖然8個月大，但食奶依然好唔定時，因為我係Feed on demand，亦會同照顧者講，唔好定時定候餵～始終我都想比小恩恩自己主導返個飲食。唔會限定幾點就要食奶，而係佢餓個陣先會比奶佢食。所以有時佢係突然之間爆喊肚餓要食奶，個陣就會坐熱支奶，再用中流速食。（快流速感覺岩再大啲啲個陣先用，感覺小恩恩會食得太急～）去到後期Feel到佢開始想訓，就可以即時轉一轉Dodie奶樽，變返慢流速去等佢啜啜下瞓覺～ 平時返工唔係小恩恩身邊，所以都要特別揀啲方便長輩用，而又照顧到bb嘅需要嘅用具。呢一款Dodie奶樽有晒3段流速又可以照顧到bb需要，又好易教識長輩用。不錯吧！ 平時市面上防脹氣奶樽會有條管，雖然Dodie奶樽無脹氣個條管，但佢嘅奶咀設計都可以減少風入肚同嘔奶機會。 Dodie呢個品牌係香港可能未太普及，但原來佢係法國有60年歷史架喇！而且產品仲係Made in France！ 希望呢篇文章，比到多一個意見媽媽們！市面上嘅奶樽品子實在係多到眼花撩亂，有時都唔知點入手。希望比多個參考媽媽們啦！依加去我Facebook join個Giveaway啦！有機會可以拎到Dodie奶樽添啊！ Like我地Facebook同IG會更快知道我同小恩恩既Update架！ Facebook：https://www.facebook.com/90sMummy/  Instagram: https://www.instagram.com/minarainlo/