10月11號♡ Hey! 魚第一次去旅行啦！ 基於魚爸魚媽係日本狂迷... 而hey!魚只係8個月大... 所以揀d近近地既地方-----九州♡ 帶小bb去旅行.. 真係超級多野要準備.. 今次同大家分享一下最頭痕既執行李... 10月份褔岡都係秋涼.. 尤其早晚溫度會比較低... 我地去6日5夜... 服飾方面...總共幫BB帶左7套衫.. 2件外套..仲有一件睡衣.. 我帶得算小..因為我會手洗衫.. 同埋要留位血拼..所以盡量清簡而又夠著.. 外套點都要有2件.. BB有時整污糟洗左都有後備.. 外套一件冷，一件針織... 用品方面 藥物!! 一定要去診所配一份旅行藥不時之需.. 小朋友唔同大人.. 大人衰衰地都識去買藥.. 止暈..止嘔..止屙..肚痛.. 退燒..止咳..收鼻水..我會配定益生菌粉.. 水肚不服都可以食... 退熱貼帶定幾塊... 有需要當地都可以再買.. °°°°探熱針都一定需要帶... 如果太高燒都可以即時同佢去當地醫院.. Bb食物呢.. 0係香港已經比佢試食左和光堂既即食粥.. Hey!魚既食量一包唔夠，但一次兩包我覺得好重味...所以我拎定10包hipp既純米糊去溝粥仔! 和光堂既即食粥我帶左2包for第一日用... 到埗第一時間去買bb用品(要做定功課) 水!!!!!!! 好多媽媽都會帶幾L水去... 但我覺得太重啦～ 所以去旅行前2個月... 我0係aeon買左日本既bb轉專用水比hey!魚飲...習慣左日本水..就去到買番同類bb水就得啦！ 比較重點既就係咁多.. 其他用品可以參考下面個list... 因應bb需要加加減減♡ 同細bb去旅行無想像中咁複雜.. 帶齊用品，搵定資料.. 有咩突發事都有準備就無問題♡ 黎緊就會分享Hey ! 魚去旅行之九州遊既玩樂篇啦！ 餵食紙杯 Bb食具（匙,交剪） 水煲      沖涼盤 換片墊      出街被仔 餵奶巾，奶咀x2 雨com，風扇 細熱水壺 保溫壺1個    米糊，即食BB飯，零食    奶樽消毒泡泡 紗巾（十條) 即棄口水肩   Cream 防蚊  Face Cream，類固醇 消毒 藥,針筒,退熱貼, 探熱器 純水濕紙巾一包 Pat pat膏 密實袋 棉花棒 防水墊x1 薄被x2 衣架 沖涼洗頭 思詩樂洗口 沖涼毛巾 指甲剪 出街衫褲 ，襪仔 瞓覺長䄂衫褲 外套x2 尿片 玩具 Bb車 揹帶