小豬媽出左社會之後，就發現英文好重要。但係自己英文程度只係i go to school by bus。哈哈。所以係懷孕既時候，已經為小豬諗定將來既教材。當小豬媽懷孕6個月既時候，就上網查到「迪士尼美語世界」，然後就上左去佢地係旺角既辦公室了解。尼套教材真係好貴，為左個女，好難先說服老公分期供。（而且，講個祕密比大家知，豬媽係迪士尼既小粉絲，吾好比我老公知。哈哈） 講返尼個教材先。尼個教材只係學英文。（如果想學其他科目，仲有套叫Oxford Path。大家可以自行上網作對比。）貴係貴左D，但係佢地有導師跟進，仲係以家庭為單位，只要之後一直續會，當將來小豬媽有第二胎既時候，佢地都會一直跟進，對計劃有多胎既家庭都幾抵。 教材方面，佢地有光碟，書，點讀筆，玩具等。點讀筆會同小朋友有種互動既形式，吾會只係讀，有時候會有D遊戲，問答等。入面D對話都好生活化，仲會用英文教佢地生活上既小知識。 另外，佢地除左有導師跟進，定時會有自費既活動，佢地仲有個APP "WF CLUB" 比D會員玩。依家小豬只係3個幾月，豬媽時不時都會同佢玩 "Face Call"，模擬同D哥哥姊姊facetime，只係比聲佢聽。入面除左有教材D歌（方便離開屋企都有得聽），仲會定時加入不同節日既歌。例如依家12月，佢地就會有D聖誕歌。 小豬媽希望小豬可以從生活上，快樂甘學英文。吾好好似豬媽甘，死讀死背。將來參加佢地舉辦既活動，可以同埋D差吾多大既BB一齊邊玩邊學英文。 如果有爸爸媽媽已經用緊尼個教材，小豬媽加入左一個whatsapp group係交流DWE既心得。係https://mamibuy.com.hk/talk/forum/topic/2750 尼度，有個媽媽開左個group，歡迎大家加入^_^