自從2012年搞結婚開始，就响WOW esdlife度寫blog, 唔經唔覺原來都寫咗6年喇！WOW~~    由婚享同學會寫到入靚太club, 响度識咗好多朋友呢～ 6年來見証住WOW不斷與時並進，為準新人，準父母提供一個咁好嘅平台去交流（以及我呢啲懶惰媽媽記事, 同埋見証住我由待嫁少女變成少婦再成為老母XDD）而婚享同學會同靚太club更加方便咗大家去search自己需要嘅資料，今年靚太club 5 歲喇～～ 梗係要嚟賀一賀佢啦～～   今日靚太club嚟到尖沙咀k11 Pizza Express舉行party, 呢度都係我常去嘅餐廳呢～ 因為佢地kids menu好吸引㗎～！張highchair又有個波波比米豬玩～ 可惜米豬今日病病，做咗鼻涕蟲，就冇帶佢來了   靚太club仲安排咗社企汽球師 YM Balloon 扭波波比小朋友，仲有 goldteethmama 金牙媽媽 畫寶寶卡通人像畫做紀念呀～ 好搞笑呀畫到米豬～～   正向家長學院營運總監分享育兒心得，真係點醒晒我呀！尤其是以下呢2點, 唔知你地覺得啱唔啱用呢? 1. 唔好 唔好 個小朋友 佢地根本未識否定句，你話唔好跑，佢淨係get到個跑字。。。。。所以我地要拋開唔好，直接叫佢做你想佢做嘅事算 例如：唔好掉野 可以改為 你比我啦；唔好跑 可以改為 你慢慢行過嚟啦 2. 溫柔而堅定嘅語氣 唔買玩具，就點都唔買，唔好佢螺地你就就範，歲半至5歲才定反叛期！溫柔地講，係要比小朋友知道無論點，父母都會愛佢；堅定地拒絕，係為咗防止再有下次啊親～  2-3歲最重要係建立紀律，同埋小朋友自信心，我都要努力地建立紀律啊～ （自信心呢家野我真係唔多擔心米豬，佢自信爆棚）   當然仲有美食啦～ pizza express新出咗個麵包球塔呀～～ 好靚呀～ 12月4日開始就食到喇～～     最後點小得玩遊戲同大抽獎呢～ 雖然我繼續冇抽獎運，不過見到其他wow友中獎都好鄧大家開心啊～～   祝靚太club邁向更多個5年，遲啲到我老咗唔知會唔會整個老友club呢     米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/