今期流行S.T.E.A.M. 臨近聖誕...兩個又測完驗，一於又送哥哥同芊芊 littleBits 玩具，不過點止玩具咁簡單，以我一貫作風，梗係要寓玩樂寓學習啦！     今次 littleBits 的全新 Inventor Kit，係小朋友至愛的 Avengers 呀！     雖然寫住係適合8歲以上，不過其實 littleBits 的 Kit-set，都超容易學習及完成，就算芊芊玩都冇問題。   超簡單的接駁配件，哥哥即刻急住要拎出嚟砌。     掀起上層，原來下面仲有其他配件，係隻 Iron Man 手臂呀！     兩個即刻拎出嚟要影相，其實佢係一個座，當接駁好所有配件，就可以放上 Iron Man 隻手臂度。     如果仲想靚D嘅話，仲有幾款貼紙俾小朋友同手臂扮靚。     雖然盒背面都有簡單介紹教學，不過真正說明要Download APP。   同上次一樣，APP教學超簡單易明，有哂動畫同詳細說明，真係話都冇咁易。       完全唔駛我幫手，哥哥全部自己一手一腳攪掂。     妹妹就幫手拎配件俾哥哥。     去到組裝手臂嘅步驟。       盒內已附有電芯。     第一課完成！按下掣，戴在手上的燈就著起來。     (真係當咗自己係Iron Man...)     而且仲有唔同效果可以切換。     唔好以為咁就完成，其實只不過完成第一課，在APP內仲有好多個課題，可以跟住繼續去完成。     原來剛才的燈光效果，可以按自己喜歡去設計。     在APP內設計時，手腕燈效會有即時顯示。     兩個一齊設計自己喜歡的顏色。       哥哥設計完成後，就到芊芊去設計自己Style。       芊：「型唔型先？」       實在太多...太多啦！一日都玩唔哂，之後仲可以配上音效及其他功能。         小朋友可以喺成個過程當中，邊玩邊學習，就係 littleBits 最厲害的地方。     littleBits Avenger Hero Inventor Kit 建議零售價 HKD 1,380，依家有讀者獨家優惠，只需 HKD1,300，快D按此登記購買。   >>Link   Photo by Sony A7III FE 16-35mm F/2.8   想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2   呀劍評分: 10分   呀劍評語: 或者係一本書未必可以引起佢哋嘅興趣，但係個盒一打開，小朋友就好積極咁跟住APP裡面的每個步驟做。而且在裝砌的過程中，他們會發覺到每個配件各自的功能，由發電、發光至發聲，不知不覺學懂了些物理學原理，所以好鼓勵大家都俾小朋友體驗一下，亦係最佳嘅聖誕禮物喔！   Overview: Kids become their own Super Heroes by building and customizing their high-tech hero gear and unique identity with littleBits electronic blocks. With their favorite Marvel Avengers, like Iron Man, Black Panther and Shuri, and Ant-Man and the Wasp, kids enter Super Hero training in the app, control their gear with their smart device, give gear new abilities with easy block coding, and use their creativity and STEAM (Science, Technology, Engineering, Arts, Maths) skills to customize their own hero identity and gear to match.   Company: littleBits http://www.dtsl.asia https://www.dtsl.asia/products.php?product=littleBits-Avengers-Inventor-Kit   (以上資料更新至文章當日)     Facebook專頁: 呀劍萬帥 kimfamilytravel   Blog網誌 : www.kimfamilytravel.com