不知不覺間天氣開始已經慢慢轉冷啦！ 睇來又係時候要為家人多煲一啲湯水、糖水來滋潤一下先得。   最近小JM睡眠質素欠佳，唔知關唔關之前病完事呢？ 成日總係會半夜突然醒要揾媽媽。 如果我係身邊就要拖實手仔就訓返；如果唔係就會起身揾媽媽，仲喊住話以為媽媽唔見咗添。   為咗令小JM訓得好啲，全家嘅睡眠質素又可以得以提升， 我決定燉個預防失眠嘅安神湯俾家人飲！ 其實媽媽我都好需要飲，因為小JM一個訓得唔好，就連大家都訓得唔好。 呢啲都係連帶關係來嘅～   *今次我用嘅燉盎係美的陶瓷蒸燉寶 MD8101F喔！*   食材功效: 蓮子　：　有助抒壓、安養心神、改善失眠及抗氧化 蓮藕　：　有助清熱、健脾開胃，產後進食亦有助止血去瘀 鮮百合：　具清心安神、潤肺補氣、清熱止咳之餘仲有養顏嘅功效 桂圓肉：　安眠、補血，而且有改善心血管循環效用     雙蓮百合桂圓燉湯 材料： 蓮子 蓮藕 鮮百合 桂圓肉 瘦肉   做法：   1.) 將新鮮嘅蓮藕洗淨，切成條片或小片，備用 2.) 蓮子、鮮百合及桂圓肉用水稍作浸泡以除去雜質 3.) 瘦肉切成小件，並汆水備用   4.) 將全部材料慢慢放入燉盅之內 5.) 再加3~4碗水入燉盅內，並蓋好。     6.) 燉盅膽注入適當水量後即可開始燉湯。 7.) 待湯燉好即可飲用。飲用前亦可按喜好加入鹽調味。     小提示： 　 美的陶瓷蒸燉寶有得揀選兩個不同模式嘅燉湯時間： 　 養顏湯（燉兩小時）、精華燉（燉三小時）  　可因應個人需要或喜好而選擇時長 　 *另外仲設有發燕窩、燉燕窩等功能添!*    　我同小JM飲嘅燉咗兩個鐘，而爸爸嘅就燉咗三個鐘。 　 我就覺得精華燉較為濃郁一啲。