小b爸在家，媽媽我就可以靜靜在廚房整色整水，為下星期開班做準備，練習下！   麻糬波波好多朋友都好like，煙煙韌韌，仲有好香芝士味，而我都好鐘意食！不過在街外買3個都要十多元！ 其實自己整並唔難，新手都做到！   材料: (約15個) 1. 糯米粉 110g 2. 木薯粉 20g 3. 芝士粉 50g 4. 牛油 25g 5. 雞蛋 1只 6. 牛奶 70ml   做法: 1) 預熱焗爐180度。 2) 牛油隔熱水座溶成牛油溶液。   3) 糯米粉及木薯粉過篩，加入芝士粉，備用。 4) 雞蛋與牛油溶液拌勻後，與(2) 拌勻。 5) 再倒入1/2牛奶，拌勻，然後慢慢逐少再加入牛奶搓成光滑麵糰。 6) 將麵糰分成等份，搓圓，放左鋪了牛油紙的焗盤上，180度焗20分鐘，完成。     notes:- 1) 每個焗爐爐溫有差別，請自行調節溫度及時間。