唉，今朝可能早咗起身，又去咗公園放電，食食下睡魔急call，結果摷醒佢食，還好，有食曬呢度半碗 。 材料： 扁意粉1.5 portions  急凍蝦 8-10隻 白蘑菇 1盒 蒜頭 2瓣 牛奶 60ml 無鹽牛油 10g 油 半茶匙（ 烚意粉用，可省略） 鹽 半茶匙（ 烚意粉用，可省略） 芝士隨意（我用咗Mozzarella 芝士碎同 Parmesan 芝士粉) 醃料： 鹽 少許 胡椒粉 少許 生粉 少許 步驟： 1. 蝦解凍洗淨印乾後，用醃料醃15分鐘左右 2. 磨菇洗淨切片 3. 蒜頭切碎 4. 烚好意粉（按包裝列明所需時間）瀝乾備用 5. 中火煮溶牛油炒香蒜頭，落磨菇炒至出水，加入蝦快炒幾下 6. 落牛奶煮滾後放回意粉 7. 收汁到剩下一半牛奶就落芝士碎，撈匀就搞掂，最後落芝士粉   冬甩冬薑媽媽—全職奴婢，照顧一家七口兩大兩小三隻貓，昔日無飯太太現自居合格廚娘。兩位寶貝女分別係：冬甩姐——四個月大時由全泵轉全埋身的樂天馬騮，冬薑妹——以逾4公斤重磅登場的感性吃貨紅髮胖胖豬妹子   想知更多冬甩冬薑的日常趣事，歡迎 follow 【小貓奴冬甩冬薑】 IG 和 FB 喔！ www.instagram.com/gingerdonutandcats | www.facebook.com/gingerdonutandcats