想了又想之最後都買左！見心怡愈嚟愈好動，曾經試過著住對無防滑底嘅襪仔去波波池遊戲室，扇腳跌過幾次。阿媽我好自責！ 慳得就慳嘅我開始唔明白點解支膠水賣成70蚊。所以就試下用白膠漿睇下得唔得，結果梗係唔得啦，等乾嘅時候見佢啲膠水已經滲晒入去，完全無膠表喺襪底。噢，實驗失敗了！又試過去萬能嘅淘寶搵下啦，都唔見有得買。 唔… 日本呢支膠水應該有啲料到，咁岩見有bb網有特價$60蚊，試下啦！ 效果好好喎，做法非常簡單，好似填洞洞油顏色咁。星星形狀嘅係第一水整，所以唧得好厚。其他嘅就無用圖紙，隨意咁唧。出嚟嘅成果係用圖紙＋厚唧嘅最好！其餘嘅因為厚度唔太平均，同埋收口時有dd尖咀，似軟雪糕下次整應該要唧厚身啲+刮平表面先ok!  試著效果都正常，放洗衣機洗都無脫膠，可以著住襪跳舞啦心怡！ 都唔細支，材料非常簡單: 膠水、圖紙、刮板 填完星星之後就鏟走多餘的膠水 建議盡量向上拎走張圖紙 只有星星用圖紙，其他就隨意喞。用圖紙效果最好 視乎喞膠厚度，風乾15-30分鐘左右，變晒透明就完成了!