We wish you a Merry Christmas！ 話咁快轉眼聖誕節仲有10幾日就來到啦，亦都意味住2018年好快就會結束。   同樣地，呢個聖誕我亦有為小JM預備小教材同D.I.Y.小手工， 而今次主要係以玩樂為主，唔會有太多需要用筆嘅地方， 反而著重係親子互動嘅手作D.I.Y.度！     事不宜遲，一齊睇【我的聖誕節】有咩攪作啦！ VIDEO:   1.) Flash Card 聖誕節依然有Flash Card，但只係簡單幾張仔，唔算多。 始終聖誕節都係小朋友最期待嘅節日之一，唔想變到「學習大過天」。 九張簡單基本字卡，可以學以置用就夠了。   2.) 連連看、填填色 以兩款聖誕節會教為常見嘅聖誕小物：「士的」拐杖同薑餅人 做出連線填色遊戲， 俾小朋友發揮創意，創造出不一樣嘅「士的」拐杖同薑餅人。   3.) 迷宮遊戲 聖誕節就緊係有聖誕老人架啦～之但係聖誕老人人咁忙派唔切禮物點算好？ 不如叫小朋友一齊幫手揾路，幫聖誕老人一齊派禮物啦！   簡單迷宮遊戲可以提升小朋友腦部思維發展，亦有助提升解難   4.) 「我的聖誕老人」換衫裝扮小遊戲D.I.Y. 類近換衫公仔嘅玩法，設有多套衣服俾聖誕老人更換。 可以俾小朋友發揮想像力去幫聖誕老人襯衫。   5.) 「我的聖誕樹」裝飾3D聖誕樹D.I.Y. 講到明聖誕節，又點可以少咗聖誕樹呢？ 所以今次其中一個D.I.Y.手作仔就係整立體聖誕樹啦！ 只要用一個紙巾筒，又或者將三面樹型圖案對摺再貼埋一齊就可以成為立體聖誕樹， 仲可以俾小朋友自行為聖誕樹加添不同裝飾添。   6.) 「我是聖誕鹿」活動人偶D.I.Y. 除咗簡單D.I.Y.之外，今次我仲整咗兩個聖誕活動人偶俾小JM，等佢可以拎來玩添架！   材料: 我的聖誕鹿教材 一份 正面大相 一張 線 　　三條 膠水/漿糊筆 一枝 較剪 一把 蝴蝶釘　　　　　四粒 創意 無限     1.) 先將鹿的各部份沿線剪下 2.) 將小朋友正面相片裁好，並貼於鹿頭位置 3.) 可選擇為小鹿貼上飾物 4.) 小心地將圖形打孔 5.) 利用蝴蝶釘將鹿的手腳固定 6.) 將鹿反轉，並利用繩將手腳連接，以達致活動效果 (見下圖)     小提示: 1.)  鹿的手要下放喔!這樣繩子拉下時才會舉高手 2.) 有需要可以用長木棒代替中間的長繩     如果你都對【我的聖誕節】教材組合有興趣的話，可以到專頁索取喔~^^~   (1) 讚好(Like) 傑。斯與晴（Jolie。小JM成長印記） 專頁 (2) 讚好(Like) 及 公開分享(Share) 相關嘅Facebook Post (https://goo.gl/n6kUeD) (3) 留言「Merry Christmas」及Tag 3位朋友   只要做齊以上步驟，小JM媽就會將【我的聖誕節】教材組合以Facebook INBOX傳送給你及小朋友喔!