通常去生果店，見生果平就會買多幾個，買下買下就會好多，多到有時會食唔切放到淋晒，爛晒，益左個垃圾筒,唔好做大嘥鬼。最近天氣又凍又乾，皮膚變得有點乾裂，喉嚨痕癢，就煲番過清甜潤肺又滋潤的 雪梨蘋果豬骨湯 潤一潤，要由內靚到外。 材料: 蘋果 2個 雪梨 1至2個 無花果 3粒 蜜棗 2粒 南北杏 適量 水 約10碗 （3至4人份量） 做法: 1) 蘋果及雪梨去芯切件備用 2) 豬筒骨出水備用 3) 南北杏及蜜棗清洗略浸備用 4) 將所有材料放入大火煲20分鐘， 再用細火煲1.5小時,加鹽飲用。