不經不覺，已經踏入2019年，湊小朋友嘅時間會過得特別快（嗚嗚）！小恩恩轉眼間就已經快10個月，好多行為都大個左，開始覺得佢踏入「人仔」階段，唔再bb了！所以襯住自己記憶力ok，想整d野可以得閒回顧一下佢好bb個陣！如果屋企有大個dd嘅小朋友，都可以邀請佢一齊參與！   今次會係想整纸相框懸掛裝飾！以下係我準備左嘅材料 （如果屋企有印相Printer會方便d，得閒想印就印，仲可以急急腳咁曬學生相） 唔知點解，見到d相印出黎同你係手機睇係完全兩種感覺！個種回憶感真係出晒黎！Print個陣係個App到揀相發現，我已經有成萬張bb相…….（痴戀mode）而且個顏色好Sharp! 一開始先係卡紙上打窿，方便一陣用繩穿入去。印相個到，你可以諗一諗想放咩入去，可以用「月份」、「特別嘅事」、「記念日子」等做主題，然後就慢慢貼入張卡到，寫低你覺得重要嘅點滴/搞笑字句！之後就可以將d卡按時序/故事咁穿埋一齊！ 登登登登！大功告成！想佢地再靚d可以用啲燈串圍住佢地，夜晚開住會好有Feel架！ 我仲用左5R Size相紙整左個小月曆！打算可以放係Office得下幾多號係星期咁，又可以見到bb個樣！用個App印相個陣，可以一次過揀晒我要Print嘅相，唔洗成日Print一張揀一張～ (有無人發現其實粉紅色個張係豬黎 Lol)   整完呢個回憶裝飾，我忽然諗明d野！以前總係唔理解點解我媽媽會咁鐘意曬相，明明電話已經有得睇，但原來有d實質嘅野拎上手，個感覺真係好唔同。突別係我見到啲相自己印出黎個下，我彷彿好似再一次返返去個一個Moment，然後就好唔捨得小恩恩長大！ 3個月前，同3個月後就已經唔同晒T^T 順便想講下，Epson部機仲有證件相印，早知個陣係屋企幫小恩恩影證件相自己曬埋，慳好多錢 大家都一齊襯住2018年，整返d回憶物，好好記念一下同bb之間嘅回憶啦！ 鍾意我嘅分享，可以Like我地Facebook同Follow IG會更快知道我同小恩恩既Update架！ Facebook：https://www.facebook.com/90sMummy/  Instagram: https://www.instagram.com/minarainlo/