去街市見到一盒盒嘅士多啤梨咁靚 就買左兩盒番屋企俾小b呢個士多啤梨控食 再攞起幾粒嚟做個簡單和式甜點 - 草莓大福 軟QQ的糯米皮包裹著甜而不膩的餡料，好美味！   材料: (6個份量) 1. 士多啤梨 6粒 2. 糯米粉 110g 3. 水 約160ml 4. 紅豆蓉 約200g (自家製或買現成都ok) 5. 糖 25g 6. 片栗粉 適量   做法: 1. 將紅豆蓉分成6份，搓圓。 2. 士多啤梨洗淨去萣，把紅豆蓉壓平在保鮮紙上，包入全粒士多啤梨 (尖頂向上)，備用。 3. 將糯米粉、糖、水拌勻，放入微波爐叮2分鐘，取出攪勻，再叮2分鐘，攪勻至有光澤。或隔水蒸15-20分鐘。   4. 工作枱上灑上片栗粉，雙手沾上適量的油，然後快速把熱的大福皮分成6份，再放上片栗粉上。   5. 大福皮兩邊沾上片栗粉，壓扁，包入餡料 (大福皮熱的時候，比較有黏性且容易收口)，完成。