????接觸及開始使用 #環保尿布褲 ♻️係從Pi pi大概一歲4個月開始，其實之前都有喺BB展度了解過。市面上大致分為兩款，容易搵到既有啪啪鏤，但居然比我找到有魔術貼嘅 Green Beginnings 尿布褲，最中意係佢可以按照BB嘅身形去調整褲仔合適嘅鬆緊度。 知道外國有好多媽咪都會使用環保尿褲，我相信好多媽咪都想了解下使用環保尿布褲嘅「好處」，我簡單歸類咗以下幾項原因～ ⭕️因為可以 #為地球出一分力????，要知道方便其實係可以帶來地球好多傷害。因為用紙尿片嘅好處就係用完就掉，不用帶回家洗，省時又乾淨，多好！但原來一條紙尿片係需要150至500年先可以完全分解，分分鐘我哋嘅下一代再有小朋友嘅時候，香港呢塊美好嘅土地都唔知剩返幾多了，所以我哋係時候要「還債」。 ⭕️而且計落條數，會比用坊間嘅即棄即棄片 #經濟實惠，我計過數，如果由初生起到戒片前，其實係只用¼嘅價錢，如果我早啲識到你咁就好啦，真係有啲相逢恨晚 嘅感覺。 ⭕️而且而家嘅褲布褲款式又多，男仔款有淨色同牛仔布款，而女仔嘅款式仲靚，有埋喱士邊添，簡直係 #行Fashion路線。 ⭕️最重要一點尿布褲採用嘅係 #天然物料，棉質同竹纖維物料，都有助疏水透氣，對BB嘅皮膚有保護嘅作用。之前Pipi試過pat pat紅，相信都係因為使用某牌子嘅紙尿片引起嘅紅疹，所以使用起嚟其實要定期2-3小時換一條薄尿布芯，夜晚嘅時候就會加埋厚片芯使用，咁佢哋BB最敏感嘅部位就得以舒緩啦！ ????清洗方法????亦好簡單，先用清水/花灑沖一沖，再用梳打粉/BB洗衣液浸下，一次過儲齊幾條，加埋BB洗衣液放入洗衣機一機過洗完搞掂，有時vee vee 咗唔整污糟褲仔，基本上只要將新嘅尿布芯 攝入去褲仔個兜位到就可以，亦唔會移動片心，防漏做得好好！ ????至於晾曬方法，就係喺太陽底下曬乾，天然又有 防霉作用，好天嘅一個上晝都乾啊！但如果落雨嘅話就要用抽濕機抽乾啦！ #我相信只要媽媽肯踏出一小步，只怕係嗰一步，都可以令到我哋嘅下一代嘅生活環境得到改變，大家有不妨為自己寶貝BB????????嘗試一下。???? ????????皮媽使用後感受： 而家在家用咗尿布褲一段時間之後，紅疹嘅情況都少咗，雖然同Pi pi外出去街都會用尿片，但開始咗都係一件好事啊。❤️