聖誕節個個商場都出盡法寶，為求吸引更多顧客去商場打卡、影靚靚聖誕裝飾及帶動消費！而今年圓方金區有一個法國博物館，場內展出咗多件由法國皇室水晶品牌 Saint-Louis博物館嘅水晶珍品。而且為配合主題，場內更有一個懸掛於半空中、逾六米高嘅 水晶燈聖誕樹，將水晶燈融合聖誕樹，真係夠曬吸晴同夠曬氣派華麗啊！！！   另外，除咗法國博物館外，場內亦有有四大打卡必影位，更設有「閃爍攝影區」，大家可以喺呢個咁靚嘅華麗水晶童話裡面同親友們一齊影相留念呀！場內四大打卡影相位，包括：璀璨星光之路、法式小白屋、冬日森林及水晶燈聖誕樹。     璀璨星光之路 有輕觸屏幕裝置嘅星光之路，加上粉紅拱形頂部，營造出璀璨星光之路。   法式小白屋 法式小白屋內擺放咗九款極具特色嘅水晶珍品，而且更係Saint-Louis具歷史價值嘅Tommy系列添！       冬日森林 由高低、大小不一嘅聖誕樹組合而成嘅冬日森林，喺森林裡面更可以欣賞Saint-Louis博物館嘅水晶珍品，尤如魔幻之森一樣，而且亦係打卡影相位之一。另外，「閃爍攝影區」就係喺冬日森林小路嘅盡頭，記得影相留念喔！   水晶燈聖誕樹 全個冬日森林嘅主題重點所在係由Saint-Louis 以 1,500 小時人手打造而成嘅水晶燈聖誕樹，可謂係全場最矚目啦！呢個超吸晴嘅水晶燈聖誕樹總共用用咗 24 盞水晶燈組合而成呀，而且更用咗皇室經典水晶吊燈來打造！超華麗及超具氣派！     註：以上圖片擷取自圓方專頁    ==================================== 華麗水晶童話@ELEMENTS圓方 地點：九龍尖沙咀柯士甸道西一號ELEMENTS圓方金區 開放日期： 2018年11月16日至2019年1月1日 開放時間： 10:00am - 10:00pm   ==================================== （以上資料更新至撰文當日）     追踪更多育兒生活分享，請按 Alfred 成長日記    駐站BLOGGER: