同步過冬做咩好? 小JM媽就整咗盅滋潤又養生嘅 紅棗杞子鮮百合圓肉燉桃膠 拎俾媽媽同小JM飲。   桃膠據說功效可以媲美貴價既燕窩、花膠，但價錢就極親民，所以又有「平民燕窩」之稱。   桃膠好處 - 滋潤養生 - 有助補充水份、潤燥 - 對潤腸、通便及尿道尿甚有幫助。 桃膠適合大部分體質既人仕食用，一星期食一至兩次已經好夠架啦。   將桃膠放於水中浸泡約十至十二小時， 之後再拎出來清洗，及將夾雜住係桃膠既雜質除去備用就可以了。   *今次我用嘅燉盎係美的陶瓷蒸燉寶 MD8101F喔！*   紅棗蓮子百合燉桃膠   材料： 桃膠 適量（要記得預先發好喔！） 大紅棗 六粒 鮮百合　適量 杞子 適量 圓肉 適量 冰糖 按個人喜好加入   做法： 1.） 將 鮮百合、紅棗、杞子、圓肉洗淨 紅棗剪開除去核，備用 鮮百合洗去淤泥，拆開成小片，備用   2.） 將已去除雜質嘅桃膠加入燉盅之內   3.）再將紅棗、杞子、圓肉分別放入燉盅   4.） 將燉盅加入白開水，並於鍋內注入清水以開始燉 5.）燉約兩小時即可加入鮮百合，再燉15至20分鐘即成。 6.）完成後可按個人喜好加入冰糖，即可食用。     因為小JM都有份食，所以媽媽我並無加冰糖。 而且紅棗、圓肉都帶甜，所以甜度已經足夠，一樣唔錯喔！