又到一年一度Anniversary嘅大日子 同胡生一早plan咗去大板旅行 出咗公司機票後，先知自己有喜 雖然機票可以全數refund，但唔想因爲殺出一個程咬金而改變計劃 所以我哋照出發   今次行程超hea，只喺大板市內閒遊 什麼奈良、京都、甚至連Universal studio都無去 胡生話留返下次先去   當時懷有7 weeks，其實無乜特別注意 只係唔攞咁多重嘢，唔食生嘢 唔做一啲孕婦唔應該做嘅嘢   出發當日，喺飛機到，胡生第一次喺我懷孕後為我發聲 話說坐我前一行嘅港媽，帶住2歲以下嘅小朋友 佢哋被安排坐extra leg room seat   當食完收完meal之後，港媽突然recline seat back 我當唐呆咗，因為佢嘅seat back喺正我面前 大家搭過EY Class都應該知道，recline seat嗰個會好舒服，因為多咗空間 但坐你後面嗰個就唔好受，因為原本屬於你嘅空間比前面recline seat嗰個佔據咗   當時胡生超好聲氣同港媽講 「唔好意思，因為我太太有咗BB，椅背可唔可以調返直呀」 港媽都好好，seat back upright返 懷孕後，胡生第一次為我發聲 即刻覺得佢好有能力保護我同BB   到埗後，我哋嘅Hea遊大板之旅正式開始 去旅行都不忘買嘢比咖哩，今次我好節制 原本4日3夜之旅變5日4夜 5月27日返到香港，我哋喺屋企附近食茶記慶祝 至於大餐就改期補祝，Happy 11th Anniversary