沙律媽媽上星期己開始work from home，仲辛苦過番工 因為沙律B見我喺屋企，扭到不得了，痴身到不得了 一見我做野就即刻扭抱，otherwise就喊，逼於無奈又湊佢落街 所以將公司野放到夜晚沙律B瞓左先做，累到一個點 同埋沙律媽媽個page亦都要趕出件，因為郵局12月20日截郵 除左湊B同做野，仲要整理下屋企野 無意中又見到生沙律B果陣張bill [2017年4月] 加上沙律媽媽個page 都有好多媽媽問我生B啲野 [早產B] 沙律媽媽曾經喺某blog都分享過，宜家要喺呢個 blog 分享多一次 之前未睇過，又打算去私院生嘅媽媽可以當reference 沙律B [35W3D]，當日係2017年4月14日早上11點左右，Good Friday 沙律媽媽食完個麥皮早餐就喺屋企穿左水 當時都有好驚下，因為沙律B未足月，又book左醫院，早產唔知收唔收 沙律媽媽穿水，只係一企起身，一秒，成塊護墊濕曬 羊水係無色，無味的，真係好似水咁，換左新護墊，跟手打俾醫生 又係一秒，護墊又濕曬，再換，再濕，同醫生傾完，即入浸會！ 入院當日已confirm真穿水，亦都要即日生沙律B出嚟 生產過程下次會詳細講，總之就快靚正！ 今次分享左price list俾大家參考先 沙律媽媽喺page被人問得最多嘅問題就係以下幾個 私院收早產? 幾多周先收? 開刀定順產? 埋單幾錢?? 問題1︰私院收早產? 幾多周先收? 收！但要睇下BB周數而決定 如果太早 [早過34W]，好大機會唔收！同埋要睇醫生決定 因為私院無 NICU，早產B入 NICU 機會高好多 一切都係以安全為大前提！ 就算足月B，出世後要入NICU ，都會一出世就轉公院 當時我同房有個BB一出世就轉走左 其實我未生之前，都一路有問主診醫生，佢答我一般34/35W打後都收 當然要睇埋BB係肚入邊嘅情況。同埋35W或之前出世都建議打強肺針 好彩，沙律B 35W3D出世，除左輕 [4.9lbs]，都無特別野， 但就勁怕凍，第一日要瞓暖箱！ 所以，如果打算去私院生，之前一定要同主診醫生溝通下 另外，我個主診醫生喺我入院時都介紹左位兒科醫生俾我，一直跟到宜家 問題2︰開刀定順產? 我本身已決定順產，一直都無改變過 除非去到36/37W，胎兒重過8lbs先會考慮開刀 或者臍帶纏頸多過2圈或以上，沙律B 34W產檢時都臍帶纏頸1圈 出世時已鬆開，但搭住膊頭出 其實臍帶纏頸都好普遍，但亦可以好嚴重 有機會自己鬆開，亦有機會愈纏愈多圈 周潤發個囡都係因臍帶纏頸而窒息胎死腹中 所以都唔好忽視呢個問題！ 由於我一開始已決定順產，而沙律B又唔係好大粒 所以醫生唔建議開刀，順從我順產！ 生之前，醫生話︰因為BB太細，太 fragile 你要完全靠自己，我亦都唔會用任何輔助工具 當然，沙律B係有驚無險咁出左世，仲要好順利，好快 問題3︰埋單幾錢? Join 唔 join package? 呢個係最多人問嘅問題，因為宜家有 package 好多人都有個底究竟幾錢可以埋到單 但如果唔 join package，究竟幾多錢呢? 又邊樣抵啲呢? 生之前都有問醫生，醫生話順產大約5萬幾至6萬幾 開刀加多萬零蚊左右！所以我同沙律爸爸都預左7萬左右 但由於早產，我地當時都好擔心過張 bill 會好甘 加上我地無join package，咩都逐樣計 好彩 end up 都係 within budget [HK$62,253]！ 我記得當時入左產房，姑娘都有問沙律爸爸 join 唔 join package 沙律爸媽當時都十五十六 之後姑娘建議唔 join，因為早產，萬一BB要轉公院，都唔食蝕房租 另外，其實價錢差唔遠，只係多左陪產同免費聽力測試。[浸會 package] 於是，我地就聽左姑娘建議，無 join到 package，咩都逐樣計 以下就係所有breakdown。 2017年4月14日 [星期五，紅日，Easter 假第一日] 生產當日 [12:xx入院，14:xx 產房，下午18:13沙律B出世] 1 - [產婦] 產房費用 = HK$6,567 2 - [產婦] 氧氣費用 = HK$31 [即係笑氣，呢項好抵] 3 - [產婦] 供應物品 = HK$148 [我估產房中用過嘅野] 4 - [產婦] 醫生費用 = HK$25,000 5 - [產婦] 化驗費用 = HK$2,491 [血報告未ready，要抽血再驗！同埋驗胎盤有無菌引起早產] 6 - [產婦] 藥物費用 = HK$676 [因為B鏈未出，我生之前有打過抗生素，生完亦都有食 panadol] 7 - [產婦] 治療/程序 = HK$6,419 [唔係好知呢個items包咩，唔知包唔包埋陪產?!] 8 - [產婦] 住院費用 = HK$610 9 - [產婦] 醫生巡房 = HK$1,000 10 - [嬰兒] 住院費用 = HK$610 11 - [嬰兒] 醫生巡房 = HK$1,000 12 - [嬰兒] 化驗費用 = HK$2,956 [因為早產，要抽沙律B肺嘅唔知咩咩，同埋皮膚嘅野去驗] 13 - [嬰兒] 育嬰費- NB = HK$2,411 [出世當日，因為瞓左暖箱] 14 - [嬰兒] 治療/程序 = HK$995 [唔知包咩?!] 15 - [嬰兒] 藥物費用 = HK$511 [我都唔係好知呢個係咩 item?!] 第一日總共 HK$51,455 2017年4月15日 [星期六，紅日，Easter 假第二日] 生產後第2日 1 - [產婦] 住院費用 = HK$610 2 - [產婦] 醫生巡房 = HK$1,000 3 - [產婦] 膳食費用 = HK$144 [depends on 你叫左咩野食] 4 - [嬰兒] 住院費用 = HK$610 5 - [嬰兒] 醫生巡房 = HK$1,000 6 - [嬰兒] 治療/程序 = HK$652 [唔知包咩?!] 第二日總共 HK$4,016 2017年4月16日 [星期日，紅日，Easter 假第三日] 生產後第3日 1 - [產婦] 住院費用 = HK$610 2 - [產婦] 醫生巡房 = HK$1,000 3 - [產婦] 膳食費用 = HK$48 [食左個早餐] 4 - [嬰兒] 住院費用 = HK$610 5 - [嬰兒] 醫生巡房 = HK$1,000 6 - [嬰兒] 治療/程序 = HK$652 [唔知包咩?!] 7 - [嬰兒] 化驗費用 = HK$1,120 [做左新生嬰兒代謝] 8 - [嬰兒] 耳鼻喉科中心 - 化驗費用 = HK$690 [自費聽力測試，如join package，會送埋] 第三日總共 HK$5,730 2017年4月17日 - [星期一，紅日，Easter 假第四日] 生產後第4日 [產科醫生唔巡房 ，因為沙律媽媽無大礙] 1 - [產婦] 膳食費用 = HK$52 [食左個早餐] 2 - [嬰兒] 醫生巡房 = HK$1,000 第四日總共 HK$1,052 成個Easter[4日紅日] 就喺醫院渡過左，享受前0後10 所以生沙律B，沙律爸媽總共用左HK$62,253 好出同expectation 無出入！ 如果按照 package，以及沙律媽媽生產所用嘅服務與費用 的確 join package 會平好多！ 因為早產，好多 report 未 ready， 又要再驗，同埋又拎組織去驗，真係用唔少錢 但世事無絕對，可能足月嘅沙律B大粒啲難生啲！ 總之，大少平安，順順利利已非常感恩 私院嘅好處就係 - 產婦生完可以得到全面休息！ 嬰兒用品系列︰ 如何選購嬰兒用品のSwaddle﹑包被﹑包巾﹑睡袋的重要性！ 如何選購嬰兒用品の消耗品篇！ 如何選購嬰兒用品の奶樽奶咀與配件篇！ 好物&癈物分享︰ 精明買物媽媽系列の嬰幼兒好物分享 III 精明買物媽媽系列の嬰幼兒癈物分享 II 精明買物媽媽系列の嬰兒好物大分享 II 精明買物媽媽系列の嬰兒癈物大分享 I 精明買物媽媽系列の平靚正收納妙法！ 精明買物媽媽系列の嬰兒好物大分享 I 旅行系列︰ 小腳板走天涯の18m布吉旅行應該帶啲咩？！ 小腳板走天涯の如何選擇旅行地點，機票，酒店同其他事宜？ 小腳板走天涯の10m台灣旅行應該帶啲咩！ 自家製系列︰ 自家製系列の給寶寶最好的護理—自製天然健康湯水！ 自家製系列の小兒天然止咳殺菌良方—燉紫洋蔥！ 自家製系列の打一歲針前應該煲咩儲涼湯水？！ 自家製系列の嬰兒都可以食嘅生日蛋糕—沙律B生日快樂！ 教育系列︰ 教育系列のPlaygroup 有感！ 教育系列のPN Interview 有感！ 其他忙碌日常︰ 加固系列の嬰兒可以食咩零食？！ 健康系列の如何應付寶寶の便秘問題？！ 暗藏細菌系列の選用沖涼玩具時要當心！ 沙律媽媽的忙碌日常の湊B去街應該拎啲咩？！ 純粹分享の在職媽媽補身恩物—老協珍熬雞精！！
