28 May 確定作小產 29 May 親身到醫院預約覆診 7 Jun 已有覆診期   由於係超緊急情況，出事後一星期就安排我返去覆診 其實流啡情況好常見，10個孕婦中，8個會流啡 而8個入面，有2個會流產 主要係太操勞，唔夠休息   而我有同事因爲升職原因，明知自己懷孕，唔舒服都唔敢請病假 最後因爲唔夠休息、周車勞動而流產 所以胡生叫我唔好返工，喺屋企抖下 嗰段期間，我每日就係負責食同瞓 「仲有無流啡？」成為胡生每日必問問題 覆診當日，胡生要返工，我獨自到醫院覆診 政府醫院嘅手續又繁複，又多程序 先到G/F繳費，即使係公務員家屬 睇醫生唔洗錢，都要去咗繳費處登記先   然後再到2/F交覆診紙，再度高、磅重、量血壓、驗小便 整個過程全自動波，第一次去嘅時候真係有啲迷茫   我量完血壓，取出紙仔比姑娘 顯示我血壓超低、心跳又快，要坐多陣再量過 我愈坐愈暈，合埋眼抖咗陣，再量，正常返先見醫生   醫生問症後，再照陰超 BB有心跳，一切正常，我今次終於睇到傳說中嘅閃閃啦 見完醫生再喺門外等，攞假紙、覆診紙、懷孕証明   正常係要到私家診所，攞咗懷孕証明先到政府排期做產檢 但因為我情況特別，所以由政府醫院比懷孕証明我   開頭誤以為佢會比埋超聲波相片我 但後來先知政府照唔會比返相你，有啲失望 事關政府醫院照得清楚過我個私家醫生