聽日就係我小公主璇璇1歲既生日啦，因為係早產BB,呢一年一直都喺又擔心又緊張既時間裡面......估吾到時間過得甘快^.^ 24/12/2017 晚上大概十一點幾 "Boom"估吾倒真係聽到穿羊水既聲，嗰一刻自己估吾到可以甘冷靜，即刻冲入厠所除褲、換m巾、換衫褲，之後去沖涼房拍門（老公冲涼ing),即刻講穿左水今次真係生得啦⋯⋯拿拿臨攞埋走佬袋就出門，因為未開始陣痛，完全只覺得好搞笑.... 大概十二點幾到屯門醫院，因為之前見紅入過醫院所以都知道曬程序，開始比姑娘檢查，見醫生，個刻終於開始驚同擔心，只係33週4天未足月，好擔心BB有事，不過醫院既醫生同姑娘都好專業，不斷同我講解令我放心好多。 檢查完訓係床度數陣痛，當時感覺係又緊張又興奮，因為姑娘話我第一胎要等十幾個鐘叫我打比老公叫佢返去休息(老公係產房門口等）不過係度奉勸大家真係吾好甘做，因為生BB呢樣野真係無得預計。 大約三點幾，因為開始陣痛密左，姑娘再檢查，之後醫生又檢查，宣布终於可以開始生了⋯⋯立即打比老公要佢再返黎醫院，聽到老公到左既聲音真係安心好多，不過原來早產老公係冇得陪產架-_- 大概五點幾經過一輪努力，璇璇終於出世，因為早產姑娘只比我睇璇璇一眼，就推走左，真係又開心又心酸，因為只有1.9kg,真係好細粒！三日後我終於可以出院，但璇璇太輕磅要留係醫院，大約過左三個星期先可以帶璇璇返屋企，係呢三星期真係好多謝屯門醫院D7病房既姑娘、醫生同其他既醫護人員，因為有佢地適心照顧，璇璇可以好健康甘出院。 出院既時侯璇璇都係得2.2kg倒，所以喺呢一年都係非常非常緊張甘照顧佢，由飲2安奶到衣家8安奶，由吾識轉身到衣家可以行一兩步，由只識喊到衣家不斷係度????嘩鬼叫，由只飲奶到衣家食一碗粥......想起呢一年既生活真係苦中帶甜....不過真係好感恩璇璇黎到我身邊。 雖然係早產BB,但係只要適心照顧，BB都會健康成長架， 所有早產BB既媽媽加油！