應承左 Bella 帶佢去波波池玩， 講左好耐，上星期終於兑現。 我地去左九龍灣展貿中心嘅 "Wellcome Paradise 宏美樂園”！ 呢間宏美樂園有全港其中一個最大嘅波波池， 今年三月先開業， 佔地總面績超過 9,000 平方呎， 我地一入去見到波波池海真係嘩左出黎！ 除左波波池， 仲有大型綜合攀爬區。 Bella 媽覺得呢組野真係好勁， 絕對係一個令小朋友超級放電嘅好地方！ 而且如果你地成日呻湊住阿 B 無時間做運動， 咁我好建議你地黎同 BB 一齊玩， 同佢地爬上爬落， 絕對等於做左一日運動咁呀！ 如果係細B，佢地都有個幼兒專區， 係宏美樂園為三歲以下兒童而設嘅， 裡面有面積較細，較淺嘅「波波泉」， 呢個迷你嘅波波泉可以放心比佢地自由發揮。 我坐埋一邊睇勁爽， 加上周圍都係波波同安全軟墊、 所以亦唔怕佢跌到撞到。 除左幼兒波波池，仲有「砵砵車專區」， 「廚藝天地」，「小遊戲區」及「帳篷營地」， 所以 Bella 去到每個角落都有大把野玩， 我就可以坐喺家長充電區唞下氣先。 而且呢到仲有儲物櫃、哺乳室、 嬰兒車停泊處、鞋架等⋯⋯ 大人亦無需彎住腰去使用設施，好貼心。 當日因為係平日下午，唔算好多人， 所以 Bella 兩歲呢個年齡， 可以去些玩下大型波波池同綜合攀爬區。 Bella 入到去呢個容納左 15 萬個波波嘅波波潭後， （真係怪阿媽平時少帶佢去玩） 搞到佢勁興奮開心到係咁重覆跳入 D 波波度。 玩完波波池再去挑戰攀爬區， 本來都擔心佢會唔會撞到，跣到， 但無論我跟佢走到任何一個角落， 周圍都有安全軟墊， 而且去到邊都亦有工作人員指導同睇住 ， 所以我好放心咁俾 Bella 周圍跑跑跳跳。 之後再挑戰大繩網！ Bella 入到去竟然唔驚， 加上又有愛心爆棚嘅工作人員帶住， 所以 Bella 玩得開心，我都睇得好放心~ 喺呢到連平時有 D 怕嘅滑梯嘅 Bella 都克服埋， 仲要走去彈床區係咁彈， 彈左 15 分鐘都唔使停， 電量實在太驚人， 不過媽媽就要坐喺側邊充返電先， 但睇到佢玩得咁開心， 我再攰都係好值得嘅。 臨走仲有一隻公仔做小禮物嫁~ 另外非常推薦大家無晒電之後， 去全新開業嘅 Café Wellcome 宏美餐廳醫肚~ 餐廳就正位於宏美樂園嘅下一層， 而食譜就主打健康、無添加美食、 亦係每日新鮮製造，唔係 hea 你嘅， 一家大細去都啱食， 而且佢地嘅價位非常大眾化~ 當日我地點左兩個午市套餐同一個兒童餐。 分別係英式白酒洋蔥豬扒配意粉， 同埋法式保雲酥龍利柳配意粉， 兩份都大大碟，仲跟埋沙律同飲品或餐湯， 都只係 58 蚊一份， 味道同做法有高級餐廳質素 但只係快餐店價錢，相當抵食。 而Bella個兒童餐都好大份， 有水果，有薯餅仔， 仲有一碗肉醬意大利粉， 多到要我地大人幫手佢食， 而佢呢個兒童餐嘅意粉係無咁濃味同咸嫁， 所以我都照比佢食無再過水。 餐後我地仲叫左甜品， 係朱古力木糠布甸同奶凍， 食得出係自家製並唔係街外叫貨， 好食到令人情不自禁食晒！ 食完真係睡魔來襲， Bella 上到車即刻訓著， 見佢今日玩到咁盡興， 已經懂得跑跑跳跳， 原來不知覺又長大了， 媽媽下次一定會再帶你黎陪你再玩！ 了解更多「宏美樂園」 樂園對象：6個月至10歲小朋友 地址：香港九龍灣展貿徑1號九龍灣國際展貿中心3樓302號舖 開放時段： 星期一至六 2:00 pm – 4:00 pm 4:00 pm – 6:30 pm 星期日及公眾假期 11:30 am – 1:30 pm 2:00 pm – 4:00 pm 4:30 pm – 6:30 pm 費用： $200 (包1大人1小孩) 暢玩一個時段 (2小時) 額外加多1位大人，另收$60 額外加多1位小朋友，另收$140 P.S. 1歲以下小朋友免費入場 場內注意事項： 家長及小朋友必須穿著襪子 為確保場地清潔及衛生，樂園內不准飲食 網上預約系統，方便快捷，詳情: http://bit.ly/2mlCxep Café Wellcome宏美餐廳 地址：香港九龍灣展貿徑1號九龍灣國際展貿中心2樓211號舖 《Bella媽粉絲優惠》 於 2019 年 1 月 31 日前，預先預約並向宏美樂園職員出示此 post 及 讚好「宏美樂園」Facebook 專頁，即可於宏美樂園享用「買一送一時 段」，加送 2 份 Café Wellcome 的午市套餐。 優惠詳情： 以優惠價$300，可於宏美樂園暢玩兩個時段(包括 14:00 - 16:00 及16:30 - 18:30)，另加送 2 份 Café Wellcome 午市套餐。 條款及細則： ～此優惠只適用於週一至週五。星期六、日及公眾假期除外。 ～此優惠有限期至 2019 年 1 月 31 日(不適用於 2018 年 12 月 22 日至 2019 年 1 月 1 日)。 ～午餐套餐只適用於 13:00-14:30 午市時段。 ～如需享用此優惠，必須最遲於當天早上 10:00 或之前，透過 inbox 預約。 ～參加者請先到三樓宏美樂園付款及辦理入場手續，付款前提示工作人員使用 Blogger 優惠並核實已預約。 ～此優惠只適用一位成人及一位小童。如需於宏美樂園額外加一位成人，收費$60，額外加一位小童，收費$140；於 Café Wellcome 額外加一份午市套餐，收費$58。 ～套票優惠一經售出，不設任何退款或補領餐卷。 ～如有任何爭議，宏美樂園擁有最後決定權。 #宏美樂園 #WellcomeParadise #CafeWellcome #親子好去處 #放電好去處 #室內遊樂場 ****************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 親子日常 EASY PAMA Parent's Daily 媽媽經 Sunday Kiss
