我諗手機對媽媽黎講， 主要功能除左wtapps， 最重要就係影相。 大家應該會好明白有左小朋友之後， 佢地每個動作，我地都會影一餐， 而且明明同一個表情pose都差不多， 但就係每一張都唔捨得delete。 之前我部手機都買左一段時間， 影相質素都靚嘅，但就係無雙鏡頭， 亦即係無得輕易玩景深mode， 每次要事後自己用apps做虛化， 但效果得過且過唔太自然。 最近終於轉手機，轉左妁vivo嘅V11， 呢部絕對係中位價, 又可以有影靚相拍靚video嘅機。     其實vivo呢個品牌， 都唔止係大陸brand， 睇返佢地業務已經屬於全球性喇， 今年仲係今年俄羅斯世界盃指定手機品牌， 我就對呢D無咩要求， 自問好耐已經唔係生果派， 而且要花成萬銀去買手機我會好肉赤， 所以呢部vivo V11嘅價位同功能好啱我！       先講下個設計先， V11個MON屬於水滴屏設計， 即係可以令成個mon嘅視野更大， 有成6.41吋，所以睇片、上網都睇得更爽。       V11開機用屏幕指紋解鎖， 唔係按住手機背或者邊邊， 而係vivo創新科技，直接按落個MON到， 就可以解鎖嫁喇！ 我一直都覺得指紋解鎖嘅手機， 非常適合有小朋友嘅家長用， 佢拎左黎點叻都開唔到， 除左指紋，V11仲有紅外線面部解鎖。       另外我最關注係電量問題， 最怕D手機用到夜晚就無哂電， 而呢部vivo V11用雙引擎快速充電， 由0-100%充電都只係需要1個鐘頭多D， 所以充電都算好快。     之後就係我重點推薦嘅影相功能喇。 V11前置鏡頭有成2500萬像素，非常高清， 以下呢張就係幫Bella用自拍鏡影嘅正常mode。     自拍仲可以做到人像背景虛化（類似景深）， 仲有埋美顏、逆光模式選擇， 更搭載全新3D美顏技術， 識得針對五官進行美化但會好自然， 呢幾樣真係正到爆。     我一直用手機自拍會好曚， 特別係室內唔夠光時， 出D自拍相會好黃好暗， 要事後自己調光， 而呢部vivo V11， 自拍可以影得好清晰細緻。   而V11個後置AI主鏡頭， 就用左1200萬像素Dual Pixel + 500萬像素雙鏡頭設計， 有埋AI構圖功能， 識得因應唔同嘅拍攝內容進行優化。       V11仲有超強嘅逆光模式、又有動態相片功能， 亦一樣有人像背景虛化功能， 所以用佢黎影相唔會再咁單調。         V11主鏡頭光圈大，所以感光能力強， 戶外室內都影出黎嘅相都好夠色彩， 事後一D都唔洗再執光暗。       而且用V11嘅人像散景模式， 仲可以先影相後對焦， 媲美用單反相機既景深效果， 同時又有多個模式比我玩~     就好似呢隻單色背景咁。       一句講哂呢部 vivo V11非常啱我， 因為成日要幫Bella影相同埋影食物， 呢個價位有如此影相水準， 各位媽媽如要換機，值得考慮呢部。 兩隻色，分別係我呢部星空黑， 及另外一隻黑雲紫。           ****************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY   親子日常  EASY PAMA  Parent's Daily  媽媽經   Sunday Kiss