我大約懷孕7個月度整理左個走佬袋.  有買到一D 套裝SET 再自己加野. 都係見人地執咩又執下咁. 但係生產之後先知邊D岩自己用邊D 唔岩用. 媽媽: 產前紀錄文件/覆診卡  2公婆既身份証 生理沖洗瓶 X 1 (呢個我覺得係超好用, 一定要準備, 每次去完洗手間我都會用熟水清洗. 淨係用紙巾好麻煩. 沖洗好用紙巾印一印就好乾淨) 扣裝產婦衛生巾 X 1 (健康院建議扣裝, 可以方便醫院姐姐係我地生產完幫忙著好衛生巾) 貼裝產婦衛生巾 X 2 (我出左院係屋企都係用產婦衛生巾, 覺得好用D 同埋傷口會舒服, 試過用夜用, 果D 網面唔舒服, 同埋好易漏) 看護床墊 X1 ([屯門醫院有提供的, 所以我果包都無用到, 出院後用黎做小NEMO 換片墊) 網褲 X 2包 (生產後我覺得著原本既褲好緊, 所以網褲我返到屋企仲有著. 同埋太多惡露時, 整污糟左時方便D, 掉左就得.) 洗面用品 X 1SET 沖涼用品 X 1SET 毛巾 X 1 POWER BANK X 1 卷裝紙巾 X 1  盒裝紙巾 X 1 (如果唔想拎咁多野, 淨係卷裝都夠用) 拖鞋 X 1 牙膏牙刷 X 1 BRA  乳墊 (我係醫院果3日都未有奶, 所以出左院之後先開始用) 少量金錢 另外一袋係生產後叫老公拎黎的 媽媽: 出院衫 X 1 套 (我冬天生產, 所以有冷帽, 圍巾, 外套等) BB: NEW BORN 紙尿片 (我帶左幾包試用裝炸, 小NEMO 當時要入加護病房, 所以係7-11買一包NEW BORN PAMPER 放係度比護士用) 利士仔 X 2 (呢D 意頭黎既姐) BB用既濕紙巾一包 (換片用) 因為小NEMO 係加護病房, 我地仲要拎盒裝紙巾比護士, 飲奶用 出院衫: 底衫, 面衫, 帽, 手套, 包被, 襪仔 全部準備好晒執好晒就最安心.