小NEMO 對食軟飯仔好似無之前咁大興趣, 但係都會食到一碗. 而家10M, 作息時間: 早上AROUND 8點起身, 飲一餐奶, 跟住玩下玩具 10:30 度訓下教 12:00 度食一碗半飯 (軟飯, 多數有2款蔬果, 一款肉, 要有D不同軟硬粒粒比佢咬下) 14:30 食下午茶, 奶+水果OR 包包OR 餅 15:30 度又會訓下教 17:00 食一碗飯 (多數同午餐一樣的) 20:00 我地食晚飯時, 佢又食下咁, 每晚都食唔同既野, 睇有咩食材同有無時間整, 蒸蕃薯/薯仔/菜芯/包/水果/餅 呢餐係會比佢自己食. 食幾多佢自己話事. 21:30 飲奶訓教   聖誕節同新年有假放, 攸豬爸梗係會整大餐比個寶貝啦~ 聖誕大餐: 紅蘿蔔, 西蘭花, 粟米, 蕃薯  未影好相就已經開動, 你有你地影, 佢有佢食. HAHA 新年大餐: 牛尾湯(記得小朋友果碗唔可以落調味料啊) 蝦 - 第一次食, 所以比少少佢試下 牛勒條, 通粉, 薯仔 夜晚呢餐會比佢自己食. 佢暫時仲未識自己拎匙羹. 全部用手拎黎食. 所以每次呢餐都係成地, 成張HIGH CHAIR 成身都係野食.  但係見到佢食得咁開心, 辛苦少少都值得呀. 唔好以為佢玩緊, 佢每樣野食都會拎上手試下軟硬, 同埋會放入口試. 試左之後佢會從易入口既食左先. 有D 咬下咬唔到又放低, 過一陣又會再試. 慢慢開始佢會試用前面2隻牙仔. 有D 又會放入大牙牙肉度咬下咁.  希望佢可以繼續開心咁食唔同既食物. 攸豬爸再煮多D... 攸豬媽我既煮野食天份真係.......0....... 好對唔住... 煮野食對我黎講真係好難呀!