自從做左準媽媽之後,  就比之前更注重衛生。 加上準備蘇蝦出世之後既物品,  慢慢研究買邊個牌子既濕紙巾好。 睇下睇下, 原來濕紙巾都有咁多種, 主要分以下幾類 :   1, 抹手,面  : 食用級當然價格較貴, 因為BB 好易會食到落肚 2. 抹PAT PAT  : 主要提供潤膚功能防止紅屁股 3. 消毒 : 大人抹手 OR 其他清潔用 4. 普通只係濕既紙巾 : 普通清潔用 5. 可沖落紙所既濕巾: 如廁後用   咁樣睇, 即係閒閒地都要準備2款濕紙巾 (1 & 3)。因為抹得手同面既, 都可以抹屁股, 不過貴D咁解。   好多媽媽包括蘇蝦媽都係,  接近蘇蝦3個月既時候先開始用抹屁股濕紙巾。由初生開始都係用熟水濕棉花抹屁股, 始終初生嬰兒皮膚都比較薄。   至於蘇蝦媽媽經過一輪研究, 買左邊隻牌子, 呢度唔講喇, 好似賣廣告咁。 可以PM 我傾下呀!   請Like我地Facebook 會有更多更新既消息架!  Facebook：https://www.facebook.com/socnine/