[miss 左兩次係贊育既機會去申請做"產前運動班"]  照超聲波果日特然醒起要申請產前運動班, 咁岩果日贊育1/F 整冷氣, 無醫生係果度, 有幾位好好人的姑娘係度, 佢地仲要著便服的, 當日佢地應該係唔洗番工.  我同佢地講話想申請做運動. 當日因為無醫生, 未能即時安排.  佢比左張Form "物理治療產前運動班轉介書"我, 寫左我個名, 身份證號碼,同電話號碼, 姑娘姐姐話幫我搵醫生簽完會打電話叫我番去拿果張form. 約一星期後, 姑娘叫我星期一至五既4:30pm前要去拿Form, 因為物理治療 (贊育3樓) 收4:30pm.   [當日拿form] 我番到去1樓搵姑娘姐姐, 比左身份證佢, 佢就比張醫生簽左名既Form 我. 我上左3樓(東座) 物理治療果度, 比左張Form 同身份證佢,  佢就問我想9:00am - 11:30am 定係 2:30pm-5:00pm section, 緊係要下午啦... 9點咁早..我番工都唔洗咁早喔.... 姑娘係粉紅色紙上面圈左幾個日子比我, 問我得唔得, 而家先Jan 2019, 佢比我既時間都係Mar 2019開始 (到時已經成30周)..... 姑娘話, 你咁遲先報嫁... 人地果D 係個BB 10周左右己經開始報名啦. 你只可以上到4當咋(正常可上5堂) 因為過左36周就唔可以上堂嫁啦...咁都好.. 我都係Miss 左一堂姐. =P 基本上係個個星期都有得做運動 而如果老公會入產房既話, 第4同第5堂要一齊上的.  *******非常好既地方, 上完堂係會有物理治療司既信, 可以Claim sick leave. ***** 費用好平宜喔. 第一堂HKD135, 第二堂打後HKD80. miss 左一堂就會比人自動取消所有堂既資格, 所以大家如果去唔到, 記得一定要打2589 2325 同姑娘講聲啦.   [ 上堂內容]   內容 上課週數 目的 1 產前運動 16週開始 幫助減輕產前不適, 加速產後復原; 幫助減輕產前,生產時及產後的壓力和緊張 2 產前運動(二) 身心鬆弛技巧 16週開始 同上 3 生產球應用 22-30週 幫助應付陣痛, 促進生產順利, 增強成功感 4 舒適方法 32-36週 同上 5 用力技巧 32-36週 同上   緊記: 希望大家記得第一次去贙育睇醫生時, 就即刻叫醫生寫信, 如果4:30前收到信, 記得即刻跑上去3樓申請 否則要好似我咁, 去咁多次先申請到....