有留意開我instagram / Facebook都知道我有時都有分享整BLW嘅野食，今次係呢個Platform集合左3款易整嘅食譜比大家參考一下！有時候bb見到某啲形狀/質感都會唔食，呢啲時候就要將佢地mix做另一樣野比佢地食。有咩問題都可以inbox再問我架！ 1. 焗西蘭花紅蘿蔔薯餅 食材： 西蘭花 X 5-10小棵 薯仔&焗薯 1:1 紅蘿蔔  適量 （可以加入其他食材架！） 做法： 1. 將所有食材蒸至淋身 2. 薯仔同焗薯一齊壓成蓉，加入適量嘅水，令佢無咁黏 3. 壓碎埋剩餘嘅食材，再倒入薯蓉混合 4. 可以放入焗爐模 / 用手整成長條形、扇形 5. 放入焗爐 / 光波爐 180度 20分鐘（視乎你嘅焗爐牌子）/ 用無鹽牛油開火煎 6. 待冷卻再脫模 / 上碟 食後感：有啲似ikea嘅蔬菜薯餅（淡味版），外表會硬身小小，但入面好淋，好岩bb食！????食之前要記得確保對呢幾樣無敏感先好撈埋食啊！ 2. 超補鐵質嘅「野菜香蕉藍莓Panckae」 BB過左6個月，身體嘅鐵質就會慢慢唔夠，要靠固體吸收，但有時bb唔太菜，呢個食譜真係好岩需要補鐵嘅bb！ 材料： 香蕉半條 藍5-10粒（隨自己喜歡） 野菜粉半包至一包（一包有15種唔同嘅菜，勁補鐵！）有需要買嘅媽媽可以inbox問我拎Discount code，因為我成日都買lol 蛋黃一個（未食過蛋嘅Bb要留意會哈會有敏感） 低筋麵粉1-2湯匙（有少少黏嘅質感就ok） 做法： 1. 將以上材料撈混 2. 在熱鑊上掃小小油 3. 用慢火煎到兩邊小小金黃色就完成   「自家製 #南瓜麵」 材料： 南瓜90g 中筋麵粉180g（如果bb食可以試用低筋，因為我bb BLW都食得ok，所以中筋佢都食到） 蛋一隻 做法： 1. 蒸熟南瓜至軟身，再整成蓉（完美主義者可以過篩） 2. 將南瓜蓉及發好左嘅蛋倒入已篩好嘅麵粉 3. 先攪拌好，再搓成團（先灑啲麵粉係檯先搓，過程可能需要加啲水，但太多可能會搓唔起，建議逐小加入） 4. 保鮮紙包好粉團靜放15分鐘 5. 用棍碌薄，對摺，再碌，再對摺，重複幾次 6. 最後就碌到好薄，兩邊都抺上麵粉，用刀切成條狀 整完就發現，原來麵條係咁易整，而且仲好平好健康添! 除左南瓜，仲可以用黃芯番薯整，會仲香啲添架！ 鍾意我嘅分享，可以Like我地Facebook同Follow IG會更快知道我同小恩恩嘅update架！同埋FB&ig BLW食譜都會有快一步嘅更新架！ Facebook https://www.facebook.com/90sMummy/  Instagram: https://www.instagram.com/minarainlo/