流感又嚟喇.... 啱啱先好返, 都咪話唔驚驚!! 即刻煲返個抗流感湯先~! 大家都要健健康康啊~!!   材料: (10碗湯份量) 魚翅瓜 1個 粟米 1條 茶樹菇 1包 (約300g) 鮮百合 1個 栗子 半磅 (去殼) 瘦肉 約4両 (買咗30蚊) 乾螺頭 2個 無花果乾 1粒 大南杏 1湯匙 果皮 1角     咁大個女都未試過落咁多料去煲一煲湯   做法: 1. 螺頭浸熱水最小4小時, 浸軟後搣咗塊掩, 洗淨備用   2. 瘦肉切件, 連栗子跑活水後洗淨備用 3. 果皮浸軟刮走囊 4. 粟米, 魚翅瓜切件 5. 茶樹菇切走根部起1/3, 洗淨備用 6. 鮮百合切蒂洗淨, 搣開一片片 7. 湯煲放3L水煲滾後落所有材料, 大火滾10分鐘後轉最小火煲2個鐘, 飲得     米豬一拎到杯湯係搶住咁飲呀~~ 脫水寶寶有湯飲, 係可以一口氣飲6-7安ga... 好誇張呀~!!   睇書0個陣都要拎住杯湯, 方死我搶咗佢咁XD   煮食小貼士: 1. 茶樹菇可以增強免疫力, 健脾, 清熱, 仲可以降低膽固醇~ 係非常有益ge菇菌類嚟ga~ 2. 魚翅瓜清熱解毒, 感冒後清菌或者出入D人多細菌密集ge地方之後飲都啱晒~ 3. 鮮百合潤肺止咳, 冬天飲可以潤燥清熱, 大人細路都啱ga~ 4. 大南杏都係一種潤肺ge食材, 夾埋一齊煲就非常好味喇~ 5. 乾螺頭對女士好好ga~ 滋陰補腎又健脾, 我公公在生時成日買比米豬婆婆叫佢煲比我飲ga~ 飲完仲要食埋落肚唔好0徒呀~ 6. 留意返: 感冒中唔好飲湯   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/