一般假日 我哋嘅節目主要都係圍著小朋友團團轉 安排他們喜歡的 如主題樂園 親子餐廳 假日農莊等 其實偶爾我們也可以讓小朋友迎合一下父母  參與一些爸爸媽媽喜愛嘅活動  如欣賞爸爸的球賽  一起參與大朋友餐聚  讓小孩子也可了解自己多一點 平時包包只會在家中睇住爸爸沉迷玩卡   視咭如寶 這個週末我們便到訪爸爸那些年的兒時回憶 - 龍珠超體感互動藝術展 讓包包了解Dad Dad多一點吧!   首個「龍珠超-體感互動藝術展Dragon Ball Super-Immersive Lab」(香港站) 選址數碼港商場 是次藝術展透過創新光影投射及體感的互動技術 將《龍珠》經典情景帶回現實世界   館內除展出角色的等身雕像外 更創造出多個體驗能讓你置身「奇」中！ 在這個互動數碼空間    將你化身成龍珠戰士   透過雙手使出龜、波、氣、功 網上預購門票 付款後可用QR Code於入場登記處安排進場 當日職員叫我地like同share佢地facebook專頁 仲有小小紀念品附送 另外入場人仕可自選顏色紙帽  好想播番首<<撒亞人生於這個地方  稱呼叫悟空（稱呼叫悟空）>>俾包包聽 展區主要分3層  一入場就會見到對戰Figure  加上打燈效果  打咭位冇得輸 為各位KIDULT重現兒時漫畫書/電視中的格鬥畫面 同層既吹氣神龍好正喔 G/F: 展區一 (Immersive Vibes) 重現《龍珠》世界  透過創新技術帶給你重未有過的投入感—讓你激發身體潛藏的氣 瞬間轉移、甚至參與最強撒亞人之間的決鬥！ 就等包包同爸爸親子檔為大家分享下哩個ZONE有幾互動啦~ 行行下突然會聽到有人狂叫  大家唔駛擔心  因為佢地玩緊一個氣之修行的體感game   其實係一個測分貝既遊戲   包包七情上面 變身成超級撒亞人  超攪笑 跟住就同Daddy去玩瞬間轉移  遊戲concept係突破時間與空間的界限   集中注意力    與孫悟空一起修練瞬間轉移 切身感受空間跳躍帶來的的感覺 可惜父女未能神同步  挑戰失敗 Daddy用心教包包龜波氣功  先將雙手合上並放腰間    再閉上雙眼    感覺全身在集氣    然後大喊─龜!波!氣!功 — 出波後仲有出煙效果   超正! 話明龍珠超體感互動藝術展   場內大玩QR Code二維碼 記得dl定個專門scan code既app呀~ 全部相都可以用QR code dl落手機架 玩完動態區   就可以去靜態區(展區三)稍作休息 展區三 (Immersive Arts)：展出多款珍貴有關展品，包括歷年電影海報、 《龍珠超》人物設定、會場限定版的布洛尼手辦人偶等等 龍珠人物角色造型圖 連包包都認到Dad Dad由朝玩到晚既咭咭 那些年的回憶..... 重點推介展區二 (Immersive Kids)： 提供親子互動遊樂體驗   例如神奇膠囊   親子互動素描    發光龍珠池等讓親子一同探索《龍珠》世界！ 包包唯一認識既肥布歐 親子區互動畫廊仲可以俾大家油下顏色  大人小朋友都o岩玩 畫得靚仲有機會貼堂tim~ 包包見到筋斗雲好興奮   細心睇地下個牌  原來請勿攀爬  sorry sorry~ 意外驚喜~因為今次到訪係由爸爸plan  所以我對哩度有咩玩  全不知情  行行下竟然見到個龍珠池     包包簡直雙眼發光 *請注意   海量波波池都幾深  所以要身高1M以上先可進場    唔好講笑   第一次玩波波池係真係覺得置身大海之中 包包可以無限量放電    於池中暢泳   仲可以玩Hide & Seek   超正 敗家POP UP STORE   龍珠迷爸爸記住帶定銀彈掃貨 而專為BABY而設的造型衫仔  口水肩  同BABY IN CAR牌都好得意哦~ POP UP STORE外的扭蛋區 場內有個MINI GAME   就係要搵齊七粒龍珠  集齊就可以去電子牌度許個願 D願望好潮架    總有一個o岩你 離開時會經過一個場外POP UP Store   不過價錢會比會場內貴   包包見到布歐帽又要帶一帶 展覽日期 2018年12月20日 至 2019年1月31日 展覽時間 2018年12月20-31日 11:00 – 22:00 2019年1月逢星期五及六 11:00 – 22:00 2019年 1月其他日子 11:00 − 21:00 (完結前一小時停止入場) 展覽地點 香港數碼港道100號數碼港商場   想知道【龍珠超-體感互動藝術展】限時優惠進場方法  就Like 包包陪細佬b看世界 facebook專頁inbox我啦